Hauptmenü öffnen

Arne Elsholtz (* 14. August 1944 in Pritzwalk; † 26. April 2016 in Berlin) weer en düütsch Schauspeler, Dreih- un Dialogbookschriever, Synchroonsnacker un Synchroonspeelbaas.

He weer de Söhn vun de Schauspeler un Speelbaas Peter Elsholtz. He sülvst hett sien Schauspeelutbilln bi Marlise Ludwig in Berlin afsolveert un hett en paar Johr lang up Berliner Böhnen speelt. In Film un Feernsehn sütt man hüm ok blots ganz selten, so t.B. in Robert Siodmaks Ost-West-Drama Tunnel 28 (1962) un de TV Produktschoon In der Mitte des Lebens (2002, neben Heiner Lauterbach). Aber man kennt Elsholtz denn doch dör sien schauspelerisch Leistung, wenn ok nicht van’t sehn, so aber doch van’t Hören.

Wiels sien Vader Peter en Dialogautor un Synchroonspeelbaas weer, de bannig Spood harr, keem Arne all in jung Johren to de Filmsynchroonisatschoon un as he 19 Johr old weer, hett he to’n eersten Mal as Synchroonspeelbaas arbeit.

Siet 1964 hett he as Synchroonschriever un –speelbaas as ok as Synchroonsnacker bannig wat bewirkt in över 400 Films. He is de fast düütsche Stimm vun de Schauspelers Tom Hanks, Kevin Kline, Bill Murray, Eric Idle, James Belushi un Jeff Goldblum. Aber ok Nicolas Cage (Peggy Sue hat geheiratet), Richard Dreyfuss (Jagd auf Dillinger), Dustin Hoffman (Dick Tracy), Charlie Sheen (Hot Shots 2), Bronson Pichot (Beverly Hills Cop I/III as „Serge“, Club der Teufelinnen) Al Pacino (Cruising) und O. J. Simpson (in de dree Die nackte Kanone-Films) hett he sien Stimm leht. In de Tekentrickfilm Das Kleine Arschloch is he to hörrn as Vader vun dat lütt Moorslock as ok as Militärfreak Jimbo Kern in South Park, Mammut Manfred in Ice Age, un Ice Age 2, in de he neben Otto Waalkes as düütsch Hööftsnackerrull to hörrn is. Dorneben snackt he noch den animeerten Tom Hanks in de Film Der Weihnachtsexpress aber ok in Die Simpsons - Der Film, wo sück Tom Hanks in’t Original sülvst snackt hett. Ok in anner Tekentrickfilms hett he noch mitmakt.

Dorneben is Arne Elsholtz in tallriek Radioprogrammen, TV-Dokumentatschonen un Werbesendungen to hörrn wesen. 2001 hett he as Ansegger un Kommentator (ahn dat man hüm seehn hett) in Verona Feldbusch ehr Sat.1-Show Einfach Verona! arbeit.

Filmografie (Utwahl)Ännern

WeblenkenÄnnern