Arp von Veern

Arp von Veern († 19. Februar 993) weer von 976 bet 993 Bischop von dat Bisdom Veern.

Arp stamm wohrschienlich ut dat Geslecht von de Arponen. He weer Doomprobst bi dat Bisdom Bremen as he 976 empfahlen von Arzbischop Adaldag von Hamborg-Bremen, en Verwandten von de Billungers, Bischop von Veern worrn is. Disse Interventschoon för een von sien Doomkanonikers wiest, wat för en Intress de Billungers harrn, dat op’n Bischopsstohl in Veern en Bischop sitten dee, de jem genehm weer. De beiden Vörgängers von Arp, de Bischöp Amelung (933−962) un Brun (962−976), weren all beid ut dat Huus von de Billungers. Dat Bisdom kann in disse Tied meist as en Huusbisdom von disse Familie ansehn warrn.