Arteria sphenopalatina

De Arteria sphenopalatina (Kielbeen-Böhnen-Slagader) is een vun de Slagadern vun’n Kopp. Se twiegt ut den drüdden un letzten Afsnitt vun de Arteria maxillaris (in’t Bild an’n böveren Rand rechts) in de Fossa pterygopalatina af un tütt dör dat Foramen sphenopalatinum vun’t Böhnenbeen tosamen mit de gliek nöömten Veen un mit de Nesentwiegen (Rami nasales, de bi Deerten as Nervus nasalis caudalis betenkt warrt) vun’n Nervus pterygopalatinus in de Nesenhöhl.

schemaatsch Ünnerdelen vun de Arteria maxillaris bi Minschen

De Arteria sphenopalatina versorgt grote Delen vun de Nesenhöhl, as to’n Bispeel dat fattrieke Rebeet vun de Neestwüschenwand (Locus Kiesselbachi), dat sünners faken de Oort is, woneem Nesenblöden entsteiht. Wenn dat Nesenblöden bannig dull vörkummt, kann de Arterie ünnerbunnen warrn, wenn dat nödig warrt.

Literatur ännern

  • U. Gille: Herz-Kreislauf- und Abwehrsystem, Angiologia. In: Salomon, F.-V. u. a. (Rgv.): Anatomie für die Tiermedizin. Enke-Verlag, Stuttgart 2004, S. 404-463. ISBN 3-8304-1007-7