Hauptmenü öffnen
Arthur Ashkin 2018

Arthur Ashkin (* 2. September 1922 in New York City) is en US-amerikaansch Experimentalphysiker. Ashkin wurr 2018 gemeensam mit Gérard Mourou un Donna Strickland för „bahnbreekend Utfinnen in den Beriek van de Laserphysik“ den Nobelpries för Physik uttekent.

Arthur Ashkin is mit 96 Johren de öldste je mit de Nobelpries uttekent Minsch.[1]

Leven un WarkÄnnern

Ashkin, de ut en jöödsch Familie stammt,[2] is in Brooklyn upwussen un hett an dat Columbia College studeert, wo he 1947 sien Bachelor kreeg. Van 1942 bit 1946 hett he sien Studium ünnerbraken, um an dat Radiation Laboratory van dat Massachusetts Institute of Technology as Radartechniker to arbeiten. 1952 kreeg he sien Doktertitel an de Cornell University. Af 1952 weer he an de Bell Laboratories, wo he 1992 in den Ruhestand gung. Dornah hett he aber in sien eegen Labor wieder arbeit. Van 1963 bit 1987 weer he an den Bell Laboratories Baas van de Afdeelen Laserphysik un he hett an den Bell-Labs över Mikrowellen, nichtlineare Optik un Laser-Fallen forscht.

He gellt as Vader van dat Optical Trapping, dat Prinzip, Atomfallen mit Lasern to bauen, un van optischen Pinzetten. Ünner anner dorför kreeg sien Kolleeg Steven Chu, mit de he tosommenarbeiten dee, 1997 den Nobelpries. Eerste Experimente dorto hett Ashkin 1967 maakt: he wies, wu man lütt Latex-Kugeln (Dörmeter in’n Mikrometerberiek) mit Lasern bewegen un ok infangen kunn[3]. Dat Infangen van Atomen gelung denn nah de Entwicklung van optischen Köhlenstechniken (dör Theodor Hänsch, Arthur Leonard Schawlow, John Lewis Hall un annern) de Grupp van Ashkin un Chu Midden van de 1980er Johren[4]. Ashkin hett de optische Pinzette in de Folg up biologische Objekte (Bakterien, Viren, Körperzellen) anwennd.[5][6]

He hett mit sien Kollegen de eerste Beobachtung van Frequenzverdüpplung (Second harmonic generation) an Düersamstreeklasern (cw Laser),[7] parametrischer Verstärkung an Düersamstreeklasern[8] un van den photorefraktiven Effekt (1966) maakt.[9] Ashkin hett ok över nichtlineare Optik, to’n Bispeel in Glasfasern arbeit un gellt as en van de Begrünner van de nichtlinearen Optik in Glasfasern.

Sien Bröer Julius Ashkin (1920–1982) weer ebenfalls Physiker.

Utteknungen un LiddmaatschapenÄnnern

He is Ehrenliddmaat van de Optical Society of America un Fellow van de American Association for the Advancement of Science un de American Physical Society.

Schriften (Utwahl)Ännern

Mit Utnahme van de in de enkeld Nahwiesen ziteerten Arbeiten.

  • Acceleration and Trapping of Particles by Radiation Pressure, Phys. Rev. Lett., Band 24, 1970, S. 156
  • Trapping of Atoms by Resonance Radiation Pressure, Phys. Rev. Lett., Band 40, 1978, S. 729
  • History of optical trapping and manipulation of small-neutral particle, atoms, and molecules, IEEE Journal of Selected Topics in Quantum Electronics, Band 6, 2000, S. 841–856
  • Optical trapping and manipulation of neutral particles using lasers, World Scientific 2006

WeblinksÄnnern

Enkeld NahwiesenÄnnern

  1. The Latest: Ashkin Is Oldest Nobel Laureate Ever
  2. Arthur Ashkin of the United States, who is Jewish, wins one half of the nine million Swedish kronor (about $1.01 million) prize, while Gerard Mourou of France and Donna Strickland of Canada share the other half.
  3. Ashkin, Physical Review Letters, Bd. 24, 1970, S. 156.
  4. Chu, Bjorkholm, Ashkin, Cable Experimental observation of optically trapped atoms, Physical Review Letters, Bd. 57, 1986, S. 314 Abstract
  5. Ashkin, Dziedzic: Optical trapping and manipulation of viruses and bacteria, Science, Band 235, 1987, S. 1517–1520
  6. Ashkin, Dziedziec, Yamane, Optical trapping and manipulation of single cells using infrared laser beams, Nature, Band 330, 1987, S. 769–771
  7. Ashkin, G. D. Boyd, J. M. Dziedzic, Observation of continuous optical harmonic generaton with gas masers, Phys. Rev. Lett., Band 11, 1963, S. 11–16
  8. Ashkin, G. D. Boyd, Theory of Parametric Oscillator Threshold with Single-Mode Optical Masers and Observation of Amplification in LiNbO3, Phys. Rev., Band 146, 1966, S. 187
  9. A. Ashkin, G. D. Boyd, J. M. Dziedzic, R. G. Smith, A. A. Ballman, J. J. Levinstein, K. Nassau: Optically induced refractive index inhomogeneities in LiNbO3 and LiTaO3. In: Applied Physics Letters. Band 9, Nr. 1, 1966, S. 72–74