Arthur Haggai Oder
Arthur Haggai Okelo Oder (* 25. September 1938 in Aboke, Uganda; † 26. Juni 2006) weer en Richter an dat Hööchste Gericht vun Uganda.
Na sien Schoolafsluss studeer Oder vun 1960 an in Grootbritannien Recht. Sien Studium hett he 1965 afslaten. 1966 is he as Afkaat tolaten worrn un Enn 1966 keem he na Uganda trüch, wo he as Afkaat arbeid.
1977 flee Oder na Sambia in’t Exil. Nadem Diktater Idi Amin afsett weer, keem Oder 1980 na Uganda trüch. He kreeg denn en Stell as Richter an’t Hoge Gericht. Vun 1988 an arbeidt he denn as Richter an’t Hööchste Gericht vun Uganda. He weer ok Maat vun de Kommischoon, de de Verbreken gegen dat Minschenrecht in de Tiet vun 1962 bet 1986 ünnersöken schull un de dormit bet 1994 in’e Gang weer.
Oder is an’n 26. Juni 2006 doodbleven[1]. He harr Krebs, Diabetes un Bloodhoochdruck[2].
Borns ännern
- ↑ Protokoll vun de Parlaments-Sitzung vun’n 28. juni 2006, Kampala afropen an’n 30. September 2011
- ↑ Uganda’s top Supreme Court Judge, Justice Oder is Dead in UG Pulse vun’n 27. Juni 2006 afropen an’n 30. September 2011