Arthur Norman Wolffsohn

Sir Arthur Norman Wolffsohn (* 30. September 1888 in Belize-Stadt; † 18. November 1967 ok dor) weer en Koloniaalbeamten ut Brietsch-Honduras.

Wolffsohn is 1888 in Belize-Stadt (Brietsch-Honduras) as Söhn von Sally un Jemima Wolffsohn boren un güng op de Dollar Academy in Schottland.[1] Von 1914 bet 1919 hett he in dat brietsche Militär deent un weer bi dat Scottish-Horse-Regiment. Von 1922 bet 1935 hett he as Landvermeter in Brietsch-Honduras arbeidt.[1] Von 1935 bet 1943 weer he Director of Surveys.[1]

Wolffsohn is 1936 dat eerste Maal Maat von’n Exekutivraad von Brietsch-Honduras worrn.[1] He weer von 1943 bet 1949 Koloniaal- un Finanzsekretär in de Kolonie.[1] In düsse Tied weer he von’n 1. Juli 1946 bet 14. Januar 1947 ok kommissarsch Guvernör von Brietsch-Honduras.[1] Von 1949 bet 1950 weer he ok Importkuntrullör (Controller of Imports).[1]

1951 weer Wolffsohn Präsident von’n Stadtraad von Belize-Stadt un von 1954 bet 1961 Spreker von de Legislativversammlung von Brietsch-Honduras.[1]

1924 hett he Stella Erica Laura Phillips (10. Juni 1897–25. Dezember 1995) freet.[1] De beiden harrn een Söhn un een Dochter.[1]

Ehren ännern

He is to Neejohr 1947 Companion of the Most Distinguished Order of Saint Michael and Saint George worrn un weer Officer of the Most Excellent Order of the British Empire. To Neejohr 1961 is he Knight Bachelor worrn.

Footnoten ännern

  1. a b c d e f g h i j Personalities Caribbean. Personalities Limited, 1965, Sied 180