Hauptmenü öffnen

Aschot Anastassjan ([[armeensch: Աշոտ Անաստասյան), wetenschaplich Transliteratschoon Ašot Anastasyan; * 16. Juli 1964 in Jerewan; † 25. Dezember 2016[1]) weer en armeensch Schachgrootmeester. De FIDE führt hüm as Ashot Anastasian.

Wat he schafft hettÄnnern

Aschot Anastassjan weer 1983, 1985–1988 un 1990 Meester vun de Armeensch SSR as ok nah de Unafhängigkeit vun Armenien 1992 (deelt mit Artasches Minassjan), 1994 un 2005 Landsmeester. Wiedere Turniersiege reck he ünner annern 1993 in Kattowitz, 1999 bi de apen Meesterschap vun Paris un 2005 in Abu Dhabi. Sien letzte Elo-Tall bedoog 2536 in‘ Dezember 2016, in‘ Januar 2000 reck Anastassjan mit 2606 sien hööchste Elo-Tall.

1993 hett hüm de FIDE den Grootmeestertitel tospraaken.

NatschonalmannschapÄnnern

He hett van 1992 bit 2002 för Armenien an all söss Schacholympiaden deelnommen un reck mit de armeensch Mannschap 1992 in Manila un 2002 in Bled jewiels de Bronzemedaille. Bi de Schacholympiade 2000 in Istanbul reck he dat best Ergevnis an dat veert Brett.[2] Buterdem nehm he veermal för Armenien an Mannschapsweltmeesterschapendeel (1993, 1997, 2001 un 2005), wobi Armenien 1997 in Luzern, 2001 in Jerewan un 2005 in Be’er Scheva jewiels de Bronzemedaille halen dee.[3] Anastassjan nehm mit de armeensch Mannschap an de Mannschapseuropameesterschapen 1992, 1997, 1999 un 2005 deel. Armenien wunn de Wettstried 1999 in Batumi, wobi Anastassjan dat beste Eenzelergevnis an dat dart Brett halen dee, nahdem he all 1997 in Pula de best Reservespeler wurrn weer. 2005 reck he dat dartbeste Ergevnis vun de Reservespeler.[4]

VereensÄnnern

In de armeensch Mannschapsmeesterschap speel Anastassjan 2005 för den Meester MIKA Jerewan, 2006 bit 2009 för Bank King Jerewan, mit de he 2006 un 2007 Meester wurr un 2014 för Politechnik Jerewan.[5]

An den European Club Cup nehm he 1993 mit Dinamo Hayastan, 1995 bit 1997 mit Jerewan un 2006 bit 2008 mit Bank King Jerewandeel, He wunn de Wettbewarf 1995 mit de Mannschap.[6]

Enkeld NahwiesenÄnnern

  1. Ashot Anastasian RIP. spraggettonchess.com, 25. Dezember 2016, afropen an‘ 27. Dezember 2016 (engelsch).
  2. Aschot Anastassjan sien Ergevnisse bi Schacholympiaden up olimpbase.org (engelsch)
  3. Aschot Anastassjan sien Ergevnisse bi Mannschapsweltmeesterschapenup olimpbase.org (engelsch)
  4. Aschot Anastassjan sien Ergevnisse bi Mannschapseuropameesterschapen up olimpbase.org (engelsch)
  5. Aschot Anastassjan sien Ergebnisse bi armeensch Mannschapsmeesterschapen up olimpbase.org (engelsch)
  6. Aschot Anastassjan sien Ergevnisse bi European Club Cups up olimpbase.org (engelsch)

WeblenkenÄnnern