Asif Ali Zardari
Asif Ali Zardari (* 26. Juli 1955) is en pakistaanschen Politiker. Vun den 9. September 2008 af an is he de Präsident vun Pakistan. He is de Weetmann vun Benazir Bhutto, de fröher Premierministersche vun Pakistan ween is. Mit ehr weer het siet 1987 verheiraat un hett dree gemeensame Kinner.
Vun den 30. Dezember 2007 af an is he stellvertredend Vörsitter vun de Pakistaansche Volkspartei (PPP). Sien Söhn Bilawal Bhutto Zardari is Vörsitter vun düsse Partei.
Zardari stammt ut en ole Familie vun de noordindische Böverschicht af, de sik jummers goot stahn hett. Düsse Familie hett in de Boweertschop un mit Zementfabriken Geld verdeent. In de tweete Amtstiet vun siene Fro höör he to de Natschonalversammeln un weer Ümweltminister. Bit 1999, as Pervez Musharraf den Senat uplööst hett, weer he Senater. Sien Ökelnaam is „Mister Tein Perzent“, vunwegen dat he sik jummers oorntlich smeren laten hebben schall. He warrt as en Politiker ohn Grundsätz ankeken, de jummers bloß up sien egen Vördeel ut is.