Aultmore

Aultmore is en Whisky-Brenneree in de Stadt Keith, Banffshire, Schottland.

Aultmore
De Brenneree Aultmore
Land	Schottland
Region	Speyside
Tyyp	Malt
Status	aktiv
Besitter	Bacardi
Grünnt	1896
Grünner	Alexander Edwards
Waterborn	Auchinderran Burn
Washstill(s)	2 × 15.500 l
Spiritstill(s)	2 × 14.859 l
Produkschoonsvolumen	2.900.000 l

Historie

De Brenneree is 1896 vun Alexander Edwards grünnt worrn. Twee Johren dorna is se Deel vun sien Oban & Aultmore-Glenlivet Distilleries worrn. In’t Johr 1913 keem se in Besitt vun John Dewar & Sons un weer 1925 vun de Distillers Company Limited (DCL) övernahmen.

De Destille is 1970/71 renoveert un dorbi gliektietig ok vun twee op veer Brennblasen vergröttert worrn. 1987 weer de Brenneree vun United Distillers (UD) övernahmen. 1998 is de Aultmore-Brenneree denn vun Diageo/UD as Deel vun Dewar’s tosamen mit Bombay Sapphire Gin för 1.150 Millionen Pund Sterling an Bacardi verköfft worrn.

Produkschoon

Aultmore höört to dat schottische Whiskyrebeet Speyside. Dat Water för de Produkschoon stammt ut den Auchinderran Burn. Molt warrt in de Brenneree nich sülvst herstellt, man vun de United Distillers-Maltings in Burghead, Roseisle un Glenesk betogen. In de Brenneree gifft dat en Meeschfatt (Mash tun) vun 9,2 t ut Eddelstahl un söss Gäärfatten (Wash backs) to 46.500 l ut Lärkenholt. Brennt warrt in twee Wash stills to 15.500 l un twee Spirit stills to 14.859 l, de mit Damp hitt makkt warrt.

Kiek ok

• List vun de schottischen Brennereen

Literatur

• Charles MacLean (Rutgever): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3.
• Walter Schobert: Das Whiskylexikon. Fischer Taschenbuch Verlag, Frankfort an’n Main 2003, ISBN 978-3-596-15868-3.

Weblenken

Aultmore-Brenneree. Mehr Biller, Videos oder Audiodateien to’t Thema gifft dat bi Wikimedia Commons.