Bachelor of Hearts
Bachelor of Hearts (op Platt so veel as „Junggesell vun de Harten“; dt. Titel: Mit dem Kopf durch die Wand) is de Titel vun en britische Filmkummedie ut dat Johr 1958. De romantische Speelfilm is an’n 18. Dezember 1958 to’n eersten mol in Düütschland wiest worrn. In de Hööftrullen speelen Hardy Krüger un Sylvia Syms.
| Filmdaten | |
|---|---|
| Plattdüütsch Titel: | — |
| Originaltitel: | Batchelor of Hearts |
| Düütsch Titel: | Mit dem Kopf durch die Wand |
| Produkschoonsland: | Grootbritannien |
| Johr vun’t Rutkamen: | 1958 |
| Läng: | 94 Minuten |
| Originalspraak: | Engelsch |
| Öllersfreegaav in Düütschland: | FSK 12 |
| Filmkru | |
| Speelbaas: | Wolf Rilla |
| Dreihbook: | Leslie Bricusse Frederic Raphael |
| Produkschoon: | Vivian Cox |
| Musik: | Hubert Clifford |
| Kamera: | Geoffrey Unsworth |
| Snitt: | Eric Boyd-Perkins |
| Dorstellers | |
| |
Inholt
ännernDe Düütsche Wolf Hauser is en Uttuuschstudent, de na England kummt, üm an de University of Cambridge to studeeren. Dat duert nich lang dat he sien – wat he noch nich weet – tokamen Professer Murdock Schimp an’n Kopp smieten deit. Un ok mit sien Kamernaver in’t Studentenwahnheim, Hugo Foster, anenanner rasselt. So mutt he gau faststellen, dat üm de britischen Brüük un Nücken nich recht wat weet. Man he heet Glück, dat sik de smucke Studentin Ann, de bi Hugo weer, mit em afgifft un em den Instieg in Cambridge lichter to maken.
Dat stellt sik rut, dat Hugo Präsident vun en Studenten-Club is, de sik sülvst de U.H.U.s nöömt. Jemehr Setten beseggt, dat de Liddmaten över’t Johr verdeelt dree Opgaven aftoleisten hebbt. Glieks to Anfang geith dat los: in’n Rahmen vun’n Poppy Day, en Universitätsfier, mött se apentlich en vun de ne’en Studenten oppern. Wolf, de in sien Streven na Kuntakt, midden in dat Drapen vun de U.H.U.s rinstolpert, warrt foorts as Opper utmaakt, wat he aver eerst markt, as dat to laat is. He maakt den Spaaß aver mit, un meent nu bi lütten en Foot op’n Bodden to kriegen, liekers blifft he aver buten vör bi den Club. Dorüm beslutt he nu, in’t tweete Semester ordig to lehrn u sik flietig üm de Mathematik to sorgen. As sien Dekan Murdock em goot tosnackt, dat he nich blots lehrn schall, man ok sien Persönlichkeit utwieten, wiel Ann em to gliek seggt, dat he sik nich so verdreihen schüll un he sülvst blieben müss, weet he nich mehr, wat se all vun em wüllt. Man jümmer mehr föhlt he sik to Ann hentogen, un se schient dat ok woll so to menen.
To’n Afsluss vun’t Semester will Wolf natürlich mit Ann op’n Maiball gahn. Man, nu kummt de Tiet, dat de U.H.U.s jemehr drüdde Opgaav bestahn mööt. Dat warrt de Liddmaten verboden, sik an’n letzten Semesterdag bit Slag twölf in de Nacht mit Froonslüüd aftogeven. As dat nu aver ok de Dag vun’n Maiball is, bruukt se Wolf sien Help: He schall jemehr Deerns to’n Ball inladen un jem so lang de Tiet verdrieven, bit dat se Klock twölf wedder free sünd vun jemehr Opgaav. De Froonslüüd drööft natürlich ünnerenanner nix mitkriegen, un so hollt em dat bannig in Aten, sik mit all de Deerns to drapen un wat för den Ball kloor to maken. Un denn is dor jo ok noch Ann, de wat ahnt, as se bi Wolf all de Froonslüüd in un ut gahn sütt. An’t Enn geiht de Plaan aver denn op. De U.H.U.s künnt opletzt jemehr Deerns wedder in de Arms sluten un to’n Dansen föhren, wiel Wolf nu Ann vertellen kann, worüm he so heemlich doon müss. Un bito hett he ok noch sien Afsluss bestahn.
Kritik
ännern- Lexikon vun’n internatschonalen Film: Anekdotenhaft erzählter Ulkfilm aus dem studentischen Milieu der späten 50er Jahre; weitgehend vergnüglich, wenn auch ohne jeden ernstzunehmenden Hintergrund.[1]
Borns
ännern- ↑ Mit dem Kopf durch die Wand in’t Lexikon vun’n Internatschonalen Film
Weblenken
ännern- Bachelor of Hearts in de Internet Movie Database (engelsch)