Banff / Inverboyndie
Land Schottland
Region Highlands
Tyyp Malt
Status afreten (1985; stillleggt 1983)
Besitter Distillers Company Limited (DCL)
Grünnt 1863
Grünner James Simpson jr.
Waterborn Boyne Burn
Washstill(s) 1
Spiritstill(s) 1
Produkschoonsvolumen 900.000 l

Banff weer en Whisky-Brenneree in Inverboyndie bi Banff, Banffshire, Schottland.

Historie ännern

James McKilligan hett 1824 ünner den Naam Mill of Banff in de Neeg vun de Colleonard Farm den Vörgänger vun de Destille apenmaakt. As he 1837 doodbleev, hett Alex Mackay de Brenneree wieterföhrt. Se güng 1852 an James Simpson un sien Söhn James jr.

1863 hett James Simpson jr. en poor Kilometers wieter de ne’e Inverboyndie distillery boet. De olle Brenneree is dorna stillleggt worrn. An’n 9. Mai 1877 is dat Hööfthuus vun de Destille afbrennt, man in’n Oktober künn al wedder produzeert warrn, vun wegen dat de Lagerhüüs un de Molteree nich bedrapen weern. Siet de Tiet hett de Brenneree en egenen Sprüttenwagen hatt as eerste in de Gegend. In’n März 1932 hett de Scottish Malt Distillers Ltd. (SMD) de Brenneree övernahmen.

Bi en Luftangreep an’n 16. August 1941 is de Brenneree dör en düütsche Junkers Ju 88 swoor drapen worrn. Ut dat Lagerhuus 12, dat vullstännig tonichten maakt weer, lööp brennen Whisky op de Straat un de Feller. Keih op de Waid hebbt den Whisky, de nich verbrennt weer sopen un künnen den Dag dorop nich molken warrn, vunwegen dat se noch nich wedder stahn künnen. Aanten un Göös in de Dieken ümto sünd ddelwies an Alkoholvergiften doodbleven. Bit to’n Enn vun’n 2. Weltkrieg weer de Brenneree as Ünnerkumst för Suldaten bruukt, dorna lööp de Produkschoon wedder an.

An’n 3. Oktober 1959 hett de Ketelsmeed Norman Forbesd bi Löötarbeiten en Explosion utlööst, de grote Deelen vun de Destille tonichten maakt hett. An’n 31. Mai 1983 is de Brenneree för jümmer dicht maakt worrn. Twee Johren later weer se afboet. Dat letzte grote Huus vun de Anlaag is an’n 11. April 1991 dör en Füer toschannen kamen[1].

Produkschoon ännern

De Brenneree Banff hett to dat schottischen Whiskyrebeet Speyside höört un nöhm dat Water för de Produkschoon ut den Boyne Burn an de Fiskaidly Quellen. Toletzt is mit een wash still un een spirit still produzeert worrn. Bit 1924 is de Whisky ut Banff noch dreefack brennt worrn.

Kiek ok ännern

Borns ännern

  1. http://www.maltmadness.com/whisky/banff.html


Koordinaten:57° 40′ N, 2° 34′ W