Bedregen

Dit Woort hett noch annere Bedüden: kiek dorför ünner Bedregen (Mehrdüdig Begreep).

Disse Artikel is man blots en Stubben. Du kannst Wikipedia helpen un em verbetern.

Bedregen, ook Bedragen oder Verholen is wat Dere oder Minschen doot. Dat Bedregen mag bewusst oder unbewusst sien. Et kann verärvt oder leert sien. De Begreep kann ook Systeme un Maschinen beschrieven, de med eren Ümmefeld interageren. De Begreep is klaar defineeert.

In Experimenten könnt Forscherlüde Bedregen as ene Reaktschoon van enen Organismus up enen Stimulus bekieken. Welk Organismen sind komplexer as ander un neemt dat Ümmefeld bewusster waar. Wenn dat Bedregen bewusst is, heet dat dat se weet wat se doot. Wenn dat Bedregen unbewusst is, bedüdt dat, dat se nich weet wat se doot.

Minschen treckt de Hand troügge, wenn se wat heets anraket un denket daar nich över na. Dat passeert, ümme dat wi un ook ander Deren Reflexe in use Nervensysteem hebbet, de uus straks de Hand wegtrecken maket Pien aftowenden.

Bedregen hänget med den Nervensysteem un den Hormoonsysteem tohope. Dat Nervensysteem reageert un nimt waar wat passeert. Dat Hormoonsysteem is langsamer un maket vescheden Aarden Bedregen waarschienliker oder minner waarschienlik. Een eenfach Bispeel is de Wandel van enen Kind to enen vullwassen Minschen. Daar speelt vele verscheden Hormone enr Rulle bi, de up Wassdoom man ook up dat Bedregen Inflood neemt.

Bedregen hänget ook den Leren tohope. Komplexere Organismen könnt better leren as eenfache Organismen. Man ook de eenfachsten Dere könnt sik an wat wennen. So een Wenst is ene primitive Aard Leren. För Organismen bedüdt Leren, dat se eer Bedregen ännern könnt, ümme dat se sik besinnen könnt, dat se in so’ne Aard Situatschoon al wesen sind un weet woans se reageren könnt.

Faken bruukt de Lüde dat Woord Bedregen man ook för de Maneer, in de Lüde med eenander ümmegeet. Kinners kriegt leert wat good Bedregen oder Benimm is un wat leeg Bedregen is. Good Bedregen is nett un fründlik to ander Lüden to sien. Dat is de Aard Bedregen, de Minschen in ene Sellschop sik van ander Lüden verwachten sind.

Kiek ook bi

• Behaviorismus