Bell, Book & Candle
Bell, Book & Candle is en düütsche Musikgrupp, de siet 1994 in de Pop-Musik aktiv is. Grünnt weer de Grupp vun de Singersche Jana Groß, den Gitarr- un Slagtüüchspeler Andy Birr un den Bassist Hendrik Röder. Birr un Röder sünd beid Söhnen vun de Puhdys-Liddmaten Dieter Birr un Peter Meyer. Bi Live-Optreden warrt se ünnerstütt vun Holger Jagsch (Gitarr, Singer) un Tom Groß (Slagtüüch).
Loopbahn
ännernTwee’nhalf Johren nadem sik de Musikgrupp grünnt hett, hebbt sik Turbobeat (hüüt Valicon) / BMG an de Grupp interesseert wiest. Ünner den Titel Rescue Me weer 1997 de eerste Single rutbröcht, de bit in de Top 3 in Düütschland, Öösterriek un de Swiez stegen is un somit en groten Spood weer. In Düütschland weer se mit dreefack Gold un Platin uttekent. Ok dat Album Read My Sign, dat een Johr later rutkamen is, is mit Gold uttekent worrn. För dat Album hett de US-amerikaansche Singersche Sheryl Crow dat Leed Destiny bistüürt.
To dat drüdde Album The Tube wer 2001 de Single Catch You utkoppelt. De Grupp hett to de Tiet de düütschen Kunzerten vun Whitney Houston un Roxette ünnerstütt. In’t Johr 2003 keem mit Prime Time dat veerte Album in’n Bertelsmann Bookclub rut, so dat Bell, Book & Candle vun BMG Berlin weggahn sünd.
2005 hebbt se op dat Label Multirecords vun de Puhdys jemehr föfft Album Bigger as ok de Single Universe rutbröcht. Een Johr later hebbt se in Tosamenarbeit mit Martin Engler dat Leed Mein Leben opnahmen, dat as Soundtrack to de ARD/WDR-Reeg Das Beste aus meinem Leben lopen is.
Siet 2005 is de Grupp Besitter vun de Editschoon Minuu bi de EMI Publishing in Hamborg und siet 2009 vun dat Label onik-music.
Diskografie
ännern
Albums
ännern| Johr | Titel | Chart-Positschonen | ||||
|---|---|---|---|---|---|---|
| D[1] | AT | CH | PL | SE | ||
| 1997 | Read My Sign | 4 | 10 | 7 | 12 | 42 |
| 1999 | Longing | - | - | - | 98 | - |
| 2001 | The Tube | 85 | - | - | 62 | - |
| 2003 | Prime Time | - | - | - | - | - |
| 2005 | Bigger | - | - | - | - | - |
| 2009 | 3 Days Under Pressure (Unplugged) | - | - | - | - | - |
Singles
ännern| Johr | Titel | Chart-Positschonen | ||||
|---|---|---|---|---|---|---|
| D[2] | AT | CH | PL | SE | ||
| 1997 | Rescue Me | 3 | 2 | 6 | 2 | 8 |
| Read My Sign | 53 | 26 | 39 | 8 | - | |
| 1998 | See Ya | - | - | - | 30 | - |
| Bliss In My Tears | 79 | - | - | 29 | - | |
| 1999 | Fire And Run | - | - | - | 10 | - |
| 2000 | Baby You Know | - | - | - | - | - |
| 2001 | Catch You | 73 | - | - | 20 | - |
| In the Witchin’ Hour | - | - | - | - | - | |
| On High | - | - | - | - | - | |
| 2005 | Universe | 84 | - | - | 56 | - |
| Alright Now | - | - | - | - | - | |
| Light Up the Stars (mit Stamping Feet) | - | - | - | - | - | |
Utteken
ännern- 1998 De Goldene Kamera
- 1999 De Goldene Europa
- 1999 RSH-Gold
Borns
ännern- ↑ Chartpositschonen bi musicline.de
- ↑ Chartpositschonen bi musicline.de
Weblenken
ännern
Bell, Book & Candle. Mehr Biller, Videos oder Audiodateien to’t Thema gifft dat bi Wikimedia Commons.