Heiltsuk
De Heiltsuk, ok Bella Bella, sünd en Indianerstamm an de nordwestlichen Pazifikküst in British Columbia, Kanada. Se gleedern sück in de Ünnerstämme Bella Bella un Klemtu, wobi de faken naamsgeven Bella Bella de gröttere Grupp billen. De Regeeren vun den Stamm heet Heiltsuk nation.
Geschichte un Kultur ännern
De Bella Bella hemm all 1793 in hör hüdig Rebeet in de kanaadsch Küstenregenwäldern leevt, as Alexander MacKenzie sien Kontinentalöverwuerun afsluuten dee.
Sie harrn vör de engelsch Opdecken dör Alexander MacKenzie all Kuntakt mit russisch Expeditschonsscheep harrt, un weern över dat Opdüken vun en witt Expeditschoon nich överrascht.
De Bella Bella sünd as Fischerkultur bekannt. Se hemm up hoochseedörgen Kanus nah Robben jagt.
Vun hör Nahberstämmen wurrn se fürcht. De hemm Alexander MacKenzie von sien Wiederreis afraaden, wat aber ok vun völ anner Stämmen praktizeert wurr, um länger ünner de Schuul vun de mit Wappen utstatt Witten to stahn un de anseggt, metallenen Tuuschworen vun de Europäer to kriegen.
As völ anner Stämme an de kanaadsch Küste ok, weern se vun dramatisch Bevölkerungsrückgängen bedrapen, de dör – vun europääsch Siedlern inschleppt – Krankheiten un de so nömmt Pelzkriege wiels de Fellhannelsära hör Oorsaak harrn.
Besünners verehrt wurrn Wölfe, Boren un Wale. As völ anner in disse Rebeeden leven First Nations, to’n Bispeel Quileute, leiten se hör Afstammen vun Wölfen af un festigen disse immer noch bestahn Betrecken to de Deertenwelt dör so nömmt „Wulfsdänze“.
De Beteeknung Bella Bella wurrd vun de Liddmaaten vun den Stamm sülvst as beleidigend ansehn; se trecken de Beteeknung Heiltsuk vör.
Spraak ännern
De Heiltsuk-Spraak tell to de Wakashan-Spraakfamilie. In disse Grupp is se ähnlich nahe verwandt to Wuikyala (de Spraak vun de Riverinlet-Völker) as de romaansch Spraaken Spaansch un Franzöösch. Heiltsuk, Wuikyala, Haisla un Kwak`wala billen de nördliche Wakashan-Spraakgrupp. Wiels aber Heiltsuk un Wuikyala tonale Spraaken sünd un bei das Dialekte vun de Heiltsuk-Oowekyala Spraak ansehn wurrn, is to’n Bispeel Kwak`wala kiens vun beid.
