Ben Wyvis (Brenneree)

Ben Wyvis
Land	Schottland
Region	Highlands
Tyyp	Malt
Status	afreten (1977)
Besitter	Invergordon Distillers Ltd.
Grünnt	1965
Waterborn	Loch Glass
Washstill(s)	1 × 10.000 l
Spiritstill(s)	1 × 10.000 l

Ben Wyvis weer en Whisky-Brenneree in Invergordon, Ross-shire, Schottland.

Historie

De Destille is an’n 9. Juni 1965 op dat Rebeet vun de Invergordon Grain Distillery apen maakt worrn. Ehrn Naam hett se vun den 1046 m hogen Barg. Vun 1879 bit 1926 geev dat bi Dingwall al mol en Brenneree ünner den glieken Naam^[1], de vun 1893 an Ferintosh nöömt weer^[2]. De beiden Brenneree hebbt aver mit Utnahm vun den Naam nix mit’nanner to doon. De Ben Wyvis-Brenneree is al an’n 24. Nvomber 1976 wedder dicht maakt worrn. Een Johr later weer se afreten. De beiden Brennblasen sünd licht ümboet worrn un staht intwüschen in de Brenneree Glengyle, de an’n 25. März 2004 apen maakt worrn is.

Produkschoon

De Brenneree höör to dat schottische Whisky-Rebeet Highlands. Ehr Water hett se ut den Loch Glass nahmen. In de Destille geev dat söss Gäärfatten (wash backs). Brennt weer in een wash still to 10.000 l un een spirit still mit dat glieke Volumen. Vun den Whisky ut disse Brenneree is nich veel affüllt worrn^[3].

Kiek ok

List vun de schottischen Brennereen

Borns

↑ http://www.mahorobi.com/e/cd/benwyvis.html
↑ http://www.whiskyportal.com/distilleryde.asp?DistilleryID=136&DistilleryName=Ferintosh+Distillery
↑ Misako Udo, The Scottish Whisky Distilleries, Black & White Publishing 2006, ISBN 1-845-021304

Koordinaten:57° 42′ N, 4° 10′ W

[1] ttp://www.mahorobi.com/e/cd/benwyvis.html

[2] ttp://www.whiskyportal.com/distilleryde.asp?DistilleryID=136&DistilleryName=Ferintosh+Distillery

[3] Misako Udo, The Scottish Whisky Distilleries, Black & White Publishing 2006, ISBN 1-845-021304

[1]

[2]

[3]