Benrinnes
Benrinnes is en Whisky-Brenneree bi Milltown of Edinvillie, Banffshire, Schottland.
| Benrinnes | |
|---|---|
 Brenneree Benrinnes | |
| Land | Schottland |
| Region | Speyside |
| Tyyp | Malt |
| Status | aktiv |
| Besitter | Diageo |
| Grünnt | 1826 |
| Grünner | Peter Mackenzie |
| Waterborn | Scurran un Rowantree Burn |
| Washstill(s) | 2 × 22.935 l |
| Intermediatestill(s) | 2 × 6.364 l |
| Spiritstill(s) | 2 × 9.292 l |
| Produkschoonsvolumen | 3.500.000 l |
Historie
ännernDe Brenneree liggt an’n Foot vun den 840 m hogen Ben Rinnes, vun den se later den Naam kregen hett. De Brenneree weer al 1826 vun Peter Mackenzie grünnt[1], man dree Johren later al wedder vun en Floot tonichten maakt[2]. John Innes hett 1835 de Brenneree ünner den Naam Lyne of Ruthrie wedder opboet, müss ehr aver 1838 an William Smith verköpen, de ehr den Naam Benrinnes geven hett. 1864 güng de Destille an David Edward of Craigellachie un is 1922 wieter an John Dewar & Sons verköfft worrn. So is se 1925 an de Distillers Company Limited (DCL) gahn un opletzt denn in’n Besitt Diageo kamen[2]. De traditschonelle Tennmolteree is 1964 dör Kastenmoltanlagen (Saladin boxes) aflööst worrn, de bit 1984 bedreven weern. Dorna hett de Brenneree keen egen Molt mehr herstellt[2][1]. De Tall vun de Brennblasen weer 1966 op söss verdubbelt.
Produkschoon
ännernDe Destille höört to dat Whiskyrebeet Speyside. Se betütt ehr Water för de Produkschoon ut den Scurran un ut den Rowantree Burn. Dat Molt warrt hüütigendags vun Roseisle Maltings bi Elgin betogen[1]. In de Destille gifft dat en Meeschfatt (Mash tun) vun 8,7 t ut Eddelstahl un acht Gäärfatten (Wash backs) vun tosamen 332.000 l. Brennt warrt in twee Wash stills to 22.935 l, twee Intermediate stills to 6.364 l un twee Spirit stills to 9.292 l, de mit Damp hitt maakt warrt. Dat dreefacke Brennen is för schottische Brennereen ungewöhnlich.
Kiek ok
ännernLiteratur
ännern- Charles MacLean (Rutgever): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3.
- Walter Schobert: Das Whiskylexikon. Fischer Taschenbuch Verlag, Frankfort an’n Main 2003, ISBN 978-3-596-15868-3.
Borns
ännern- ↑ a b c Misako Udo: The Scottish Whisky Distilleries. Black & White Publishing, Edinburgh 2006, ISBN 1-845-021304.
- ↑ a b c Ingvar Ronde: Malt Whisky Yearbook 2013. MagDig Media Ltd., Shrewsbury 2012, ISBN 978-0-9552607-9-7.
Koordinaten:57° 27′ N, 3° 14′ W