Bernard Panafieu
Bernard Louis Auguste Paul Kardinal Panafieu (* 26. Januar 1931 in Châtellerault; † 12. November 2017 in Carpentras[1]) weer en franzöösch Geistlicher, Arzbischop vun Marseille un Kardinal vun den Röömsch-kathoolsch Kark.
Leven
ännernBernard Panafieu hett Philosophie un Kathoolsch Theologie in Albi un Issy-les-Moulineaux studeert un kreeg 1956 för dat Arzbisdom Albi dat Sakrament vun de Preesterweehn. Ansluutend hett he as Gemeendseelsörger, Schoolkaplan, Studentenpfarrer un Generalsekretär vun den Preesterraat vun Albi arbeit.
An‘ 18. April 1974 hett hüm Paapst Paul VI. to’n Titularbischop vun Thibilis nömmt un hüm to’n Weehebischop in Annecy bestellt. De Bischopsweehn kreeg he an‘ 9. Juni 1974 dör Arzbischop vun Albi, Claude Marie Joseph Dupuy; Mitkonsekratoren weern Jean-Baptiste Sauvage, Bischop vun Annecy, un Henri Clément Victor Donze, Bischop vun Lourdes. An‘ 30. November 1978 hett hüm Paapst Johannes Paul II. to’n Arzbischop vun Aix-en-Provence un an‘ 24. August 1994 to’n Koadjutorarzbischop vun dat Arzbisdom Marseille nömmt, de sien Leitung he in‘ April 1995 övernehm.
Johannes Paul II. nehm Panafieu an‘ 21. Oktober 2003 as Kardinalpreester mit de Titelkark San Gregorio Barbarigo alle Tre Fontane in dat Kardinalskollegium upnommen. Kardinal Panafieu weer Liddmaat vun den Päpstlichen Raat för Interreligiösen Dialog un den Päpstlichen Raat för Gerechtigkeit un Freeden.[2] He hett an dat Konklave 2005 deelnommen, in de Benedikt XVI. to’n Paapst wählt wurr. An dat Konklave 2013 hett he denn nich mehr deelnommen, wiel he de Öllersgrenz vun 80 Johren överschreeden harr.
Mit Recken vun de in‘ Codex iuris canonici för Bischööp vörsehn Öllersgrenz hett he Benedikt XVI. 2006 sien Rückträe anboden, den de an‘ 12. Mai vun dat sülvig Johr annommen hett.[3]
Bernard Panafieu weer Liddmaat vun den Ridderorden vun dat Hillig Graff to Jerusalem.
Weblenken
ännern- Bernard Panafieu In Salvador Miranda: The Cardinals of the Holy Roman Church. fiu.edu, Websteed vun de Florida International University; afropen an' 19. November 2017.
- Indrag in de catholic-hierarchy.org; afropen an' 19. November 2017
Enkeld Nahwiesen
ännern- ↑ [1] Kardinal Panafieu verstorben; Herutgever: Radio Vatikan an‘ 13. November 2017, afropen an den sülvigen Dag
- ↑ [2] Nomina di Membri dei Dicasteri della Curia Romana; Herutgever: Presseamt vun den Hilligen Stohl, Tägliches Bulletin van‘ 24. November 2003, afropen an‘ 13. November 2017 (italieensch)
- ↑ [3] Rinuncia dell’Arcivescovo Metropolita di Marseille (Francia) e Nomina del Successore: Herutgever: Presseamt vun den Hilligen Stohl, Tägliches Bulletin ban‘ 12. Mai 2006, afropen an‘ 13. November 2017 (italieensch)