Bert C. Biehl

plattdüütschen Musiker

Bert C. Biehl (* 1959 in Hamborg) is en plattdüütschen Musiker un Schriever.

Biehl 2014

Biehl is 1959 in Hamborg boren. He weer Redaktör bi de Elmshorner Nachrichten un is nu Journalist in Hamborg un ümto. Siet 1995 is he bi de plattdüütsche Musikgrupp Liekedeler mit dorbi. 1996 weer he mit sien Leed Heimatleev Deelnehmer von’n düütsche Vörutscheed to’n Grand Prix der Volksmusik un 2004 mit dat Leed Raus auf die See.

Priesen ännern

Biehl hett 2001 mit de Geschicht De Opdrag un 2002 mit de Geschicht Sina denn eersten Pries bi Vertell doch mal wunnen. 2013 hett he dor mit Arvstücken noch wedder wunnen.

2000 hett he för Gahn or blieven op de Bemsen-Dagfohrt den eersten Preis för den besten Ledertext ut uns Tied op Plattdüütsch kregen (ünner den Schrieversnaam Karsten Horn).