Billy Strayhorn
William Thomas „Billy“ Strayhorn (* 29. November 1915 in Dayton, Ohio; † 31. Mai 1967 in New York) weer en US-amerikaansch Jazzmusiker un -komponist.
Billy Strayhorn weer siet 1939 bit to sien Dood Liddmaat, Arrangeur un Komponist in Duke Ellingtons Orchester. Strayhorn harr en klassisch Utbildung un speel Klaveer. He hett den Jazz üm Instrumentalarrangements, as se in hör Raffinesse bit dorhenn in’ Jazz blots selten to finnen weern, rieker makt. He gellt as en vun de bedüüdenst Arrangeure överhoopt in’ Jazz.
Ellington un Strayhorn verbunn en levenslang eng Früendschap. Ellington sall seggt hemm: "B.S. war mein rechter Arm, mein linker Arm, mein drittes Auge – meine Gedanken zogen durch seinen Kopf und seine durch meinen". Gelegentlich övernehm Strayhorn bi Schallplattenupnahmen sogar Ellingtons Part as Pianist. Berühmt sünd ok de Duette vun Strayhorn un Ellington an dat Piano. So is hüüd noch bispeelswies Tonk en witzig, modern un bannig dynamisch Stück, dat beid immer weer speelt hebbt.
Strayhorn weer maatgevend för den Sound vun dat Ellington-Orchesters prägend. So stammen de Kompositschoon, Text un Arrangement vun dat bekanntst Stück un de Erkennensmelodie vun dat Orchester Take the A-Train nich – as faken annommen – vun Ellington, sonnern vun Strayhorn. Anner bekannt Kompositschonen vun hüm sünd Chelsea Bridge und Lush Life. He hett ok mehrere Platten ünner sien eegen Naam rutbrocht. Glieks nah sein Dood hett dat Duke Ellington Orchestra dat Tributalbum ...And His Mother Called Him Bill upnommen. Dat enthollt Strayhorns letzt Kompositschoon "Blood Count" in de bewegend Interpretation dör Johnny Hodges.
Wenig bekannt is, dat Billy Strayhorn apen homosexuell weer. Allerdings is he – in en damals in dissen Punkt bannig intolerant Tiet un Ümgebung - persönlich kaum in Rampenlucht treden, sonner bleev leever in de Achtergrund vun Duke Ellington.
Ehrungen
ännern1967 wurr he in de Down Beat Jazz Hall of Fame wählt.
Literatur
ännern- James Lincoln Collier: Duke Ellington, Genius des Jazz, Hannibal, Wien, 1989, Knaur Taschenbuch 1990 (englisches Original „Duke Ellington“, Oxford University Press 1987)
- David Hajdu: Lush Life: A Biography of Billy Strayhorn, Farrar, Straus, Giroux, New York 1996. ISBN 0-374-19438-6.
Weblenken
ännern- Hans-Jürgen Schaal: Wunderkind und Dandy
- Billy Strayhorn: Lush Life auf PBS, Independent Lens
- Billy Strayhorn: Portrait Of A Silk Thread
- Billy Strayhorn up glbtq Encyclopaedia
- Strayhorn in de Katalog vun de Deutsche Nationalbücherei