Blériot-Whippet
De Blériot-Whippet weer en britisch Cyclecar[1][2] mit veer Rööd, dat van 1920 bit 1927 vun de Air Navigation & Engineering Company Ltd. in Addlestone (Surrey) herstellt wurr.
Dat upfälligste Detail vun dissen Wagen weer dat stufenloos Reemgedriev nah dat System Zenith-Gradua. Dat wurr oorsprünglich bi Zenith-Motorrööd insett. As Motor harr dat Fohrtüüch en luftköhlt 1,0 l-V2-Motor vun Blackburne, de 14 bhp (10,3 kW) bi 2000 min−1 leisten dee.[3] De Motor weer dwars (mit achternanner liggend Zylindern) inbaut un wurr vun Jones un Marchant mit Wälzlagern an de Kurbelwell utstatt.[2] All Rööd weern an veertelelelliptischen Blattfeddern uphangt. De Längt vun dat Auto bedroog 2945 mm un de Radstand 2057–2210 mm.[3]
1922 wurr dat Reemgedriev dören Dreegang-Stirnradgedriev un Kettenandriev ersett.[2] 1923 wurrr dat kettenbedreeven Modell en mit Kardanandriev to Siet stellt, bi dat de Motor um 90° dreiht weer.[4]
De tweesittigen, apen Upbauten hett man ut Spaarholt baut un mit Ledder övertrucken. Dorneben geev dat verscheeden Sportversionen.[2] De Wagen hemm bi hör Rutkommen £ 300 köst, bit 1924 full de Pries up £ 115.
Insgesamt entstunnen eenige Hunnert Fohrtüüch. Een dorvan hörr ok Alec Issigonis.[5] Hüüd is blots noch een överleevend Exemplar bekannt.[4]
Literatur
ännern- George Nick Georgano (Chefredakteur): The Beaulieu Encyclopedia of the Automobile. Volume 1: A–F. Fitzroy Dearborn Publishers, Chicago 2001, ISBN 1-57958-293-1. (englisch)
- David Culshaw, Peter Horrobin: The Complete Catalogue of British Cars 1895–1975. Veloce Publishing PLC, Dorchester 1997, ISBN 1-874105-93-6. (englisch)
Weblinks
ännern
- Bild vun en Blériot-Whippet (1920) in de engelsch Wikipedia
Enkeld Nahwiesen
ännern- ↑ ISBN 978-3-8032-9876-8.
- ↑ a b c d Georgano: The Beaulieu Encyclopedia of the Automobile.
- ↑ a b Culshaw: The Complete Catalogue of British Cars.
- ↑ a b Michael Worthington-Williams: The Blériot-Whippet. In: The Automobile, Mai 1996, (https://zdb-katalog.de/title.xhtml?idn=1243458631&view=brief&direct=true)
- ↑ N. Baldwin: A-Z of Cars of the 1920s. Bay View Books, Devon 1994, ISBN 1-870979-53-2