Bladnoch (Brenneree)
Bladnoch is en Whisky-Brenneree in’t Dörp Bladnoch bi Wigtown, Dumfries and Galloway, Schottland. Se ist dormit de süüdlichste Whisky-Brenneree vun Schottland. De Hüüs vun de Destille sünd in de schottischen Denkmollisten in de Kategorie B inordent.[1]
| Bladnoch | |
|---|---|
 Brenneree Bladnoch | |
| Land | Schottland |
| Region | Lowlands |
| Tyyp | Malt |
| Status | aktiv |
| Besitter | Raymond Armstrong |
| Grünnt | 1817 |
| Grünner | John und Thomas McClelland |
| Waterborn | Bladnoch |
| Washstill(s) | 1 × 13.500 l |
| Spiritstill(s) | 1 × 10.000 l |
| Produkschoonsvolumen | 250.000 l |
| Websteed | www.bladnoch.co.uk |
Historie ännern
De Destille Bladnoch is 1817 vun de Bröder John un Thomas McClelland grünnt worrn. 1905 weer de Produkschoon instellt, söss Johren later weer de Brenneree an Wm Dunville & Co. Ltd. verköfft. In’ Oktober 1912 is denn wedder Whisky brennt worrn. Bit 1937 weer de Anlaag jümmer mol wedder för korte Tiet stillleggt. 1938 is se in den Besitt vun Ross & Coulter kamen. De Brennblasen weern denn afboet un na Sweden bröcht. Eerst 1956 is de Brennere dör Bladnoch Co. Ltd. wedder opboet worrn. 1964 weer se an McGow & Cameron verköfft, de 1966 twee wietere Brennblasen inboen laten hebbt. 1973 hett Inverhouse Distillers de Brenneree övernahmen, 1983 güng se an Arthur Bell & Sons un twee Johren later an United Distillers, de se 1993 wedder stillleggt hebbt.
1995 is de Brenneree vun Raymond Armstrong ut Noordirland opköfft worrn. In’t Johr 2000 is se den mit twee Brennblasen wedder in Bedrief gahn. Eerst siet 2008 is disse Whisky nu as Single Malt in’n Hannel to finnen. Vun unafhangige Affüllers gifft dat aver ok noch Whisky ut öllere Produkschonen.
Produkschoon ännern
As süüdlichste Brenneree vun Schottland, liggt Bladnoch in de Lowlands. Dat Water för de produkschoon stammt ut den Stroom Bladnoch. De Destille hett een Meeschfatt (mash tun) vun 5,4 Tunnen ut Eddelstahl un söss Gäärfatten (wash backs) ut Douglasienholt. Brennt warrt mit en Wash still vun 13.000 l un en Spirit still vun 10.000 l.
Kiek ok ännern
Literatur ännern
- Charles MacLean (Rutgever): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3.
- Walter Schobert: Das Whiskylexikon. Fischer Taschenbuch Verlag, Frankfort an’n Main 2003, ISBN 978-3-596-15868-3.
Borns ännern
Weblenken ännern
Koordinaten:54° 51′ N, 4° 28′ W