Blersum

Blersum is en Stadtdeel vun de Stadt Wittmund in de glieknaamig Landkreis in Neddersassen.

Lage

Blersum liggt 4 km noordwestlich vun Wittmund un is siet de kommunal Rebeetsreform 1972 en Deel vun de Stadt. Geografisch is de Oort an de nöördlich Geestrand ansiedelt. Nöördlich vun de Oort slutt dück direkt de Marsch an.

Historie

Kark in Blersum

1420 weer dat Karkspeel Blersum de Sendkark Wittmund toordndt. Bei hörrn damals to dat Bisdom Bremen. De Karkenbau is aber all um 1250/70 fardistellt. De ünnere Deel vun de Kark besteiht ut Granitquadersteenen, de bövere Beriek, bit to'n Daakstohl, ut Backsteenmüerwark. Dat Goddeshuus hett ok noch en erhollen Apsis. Sehenswert is de Altar van 1649, de woll vun de Esenser Meester Jacob Cröpelin makt wurrn is, as ok de Taufsteen ut dat 12. Johrhunnert. 1579 is de Oort up en Kort erfaat.

In't 16. Johrhunnert is de Oort mit en Nebenweg de Hööftverbindung Wittmund-Esens an dat ostfreesch Wegenett anslooten.

Blersum is ok Deel vun dat Oode Harlingerland. As in de gräflich-kurfürstlich Tiet um 1730 Ämter inricht wurrn hörr de Oort to dat Amt Wittmund.

De Ort wurrd 1730 noch mit de Schrievwies Bleerssum weddergeven; eerst in dat 19. Johrhunnert festig sück de jetzige Naam Blersum.

In de letzt Johrteinten hörrn to de Gemeend de Ortschapen Leepens un Blersum as Eenheit. Trotz Rebeetsreformen wurrd disse Gemeenschap ok hüüd in de karklich as ok in't Vereensleven wiederhenn pleegt.

Entwicklung

Blersum is en bevörttrucken Wahngegend. Nee Baurebeeden hebbt den Oort bannig upwert. Ok de geografisch Laag tüschen de Städer Wittmund un Esens begünstigen de Ansiedlung.

Literatur

• Gottfried Kiesow: Architekturführer Ostfriesland, Deutsche Stiftung Denkmalschutz, Monumente Publikationen, 2009 ISBN 978-3-86795-021-3