Blinnenkoort
En Blinnenkoort is en Koort för blinne Lüüd. Blinne mööt de Koort mit de Fingers föhlen un de Linien un Teken op de Koort mööt ut de Koort rutstahn. De Schrift mutt Brailleschrift wesen. Faken gifft dat tosätzlich to de Brailleschrift ok normale latiensche Schrift, de ok rutsteiht. Farven helpt nix un de Informatschonen mööt anners dorstellt warrn. En Blinnenkoort to maken is recht veel tosätzlichen Opwand to en normale Koort, mehrstendeels gifft dat Koorten blots för lüttjere Rebeden, de noch nich to kumplizeert sünd, to’n Bispeel en Plaan vun en Bowark oder en Campus vun’e Universität.
