Hauptmenü öffnen
Erythrozytenkunzentrat

Bloodkonserv is en ümgangsspraaklichen Utdruck, mit den sünnere Bloodprodukten tosamenfaat warrt. Tomeist sünd dormit Erythrozytenkunzentraten meent, de ok an’n fakensten överdragen (transfundeert) warrt. En Erythrozytenkunzentrat is en fasten Kunststoffbüdel, de mit de ro’en Bloodkörpers (Erythrozyten) vun en Spenner füllt is un för de Transfuschoon vun disse Erythrozyten an en Patienten deent.

Eher root is dorgegen de Bruuk vun Vullblood för de Tranfusion. Normalerwies warrt dat Blood in sien Zellbestanddeelen scheedt, de splitt vun’nanner wietergeven warrt.

Je na Tyyp bargt en Büdel ruchweg 300 ml Blood(-bestanddeelen). De naue Tyyp, de Bloodgrupp, Ünnergruppen, de Bloodformel un en eendüdige Konserventall warrt op den Büdel mehrfack opschreven un op Kleevetiketten opdruckt, üm Schrievfehlers to hinnern. De Konserventall warrt na den Eurokood-Standard vergeven. Op disse Oort un Wied kann jümmer torüchverfolgt warrn, wovun Konserv vun wovun Institut opbereidt un utgeven hett.

Ümdat sik de Konserven länger lagern laat, warrt to de Bloodkonserven Stolltörners to sett. Tomeist warrt dorför de so nöömte CPD-Stabilisater bruukt. De bargt op 1000 ml destilleert Water 3 g Zitronensüür, 26,3 g Natriumcitrat, 2,2 g Natriumdihydrogenphosphat, 38,3 g Glukosemonohydrat un 559 Adenin-Hydrochlorid. De pH-Weert vun den Stabilisater liggt twüschen 5,6 un 5,8. Warrt 63-70 ml vun den mit Adenin versetten Stabilisater mit 450 ml Blood mischt, hett de Konserv opletzt en pH-Weert vun 7,1 bit 7,2. För’t Lagern vun Erythrozyten-Kunzentraten bi +2°C bit +6°C hett dat grote Bedüden.

Bloodkonserven mööt köhlt lagert warrn, egal wat dat vun Tyyp is. Frischplasma-Kunzentraten warrt sogor deepfroren. Vör en Transfuschoon mööt de Präparaten eerstmol op Ruum- oder Lieftemperatur opwarmt warrn.

Siet Oktober 1985 is dat in Düütschland bito vun’t Gesett her vörschreven, dat blangen tallrieke annere Ünnersoken ok op HIV-Antikörpers test warrn mutt.

Kiek okÄnnern

WeblenkenÄnnern