Bork
Dit Woort hett noch annere Bedüden: kiek dorför ünner Bork (Mehrdüdig Begreep).
Bork (f. pl. Borken) is de büterste Schicht vun een Boomstamm, se is een Deel vun de Boomrinn un gifft den Boom Schuuls vör Sünn, Regen un allerhand annern Kraam. Wenn de Boom wassen deit un dorbi de Stamm an Ümfang tonimmt, kann de Bork nich mitwassen oder sik noch utdehnen. So ritt denn de Bork rundüm in un wiest sik as een unassen Schicht. Dat de Bork nich wassen kann, heet abers nich, dat se nich mehr leevt, se kuntrolleert all Oorten Angrepen op den Boom un sett sik to Wehr. Bi de Fuhrenbööm sütt’n denn to’n Bispeel, dat Hoorts ut den Boom un de Bork rutlöppt un dormit den Angrieper afweert.
