Botho von Schwarzkopf
Botho von Schwarzkopf (* 17. Februar 1948 in Poggmöhlen) is en düütschen Manager.
Von Schwarzkopf is 1948 as Söhn von Ise, borene Böcking (3. Mai 1920–4. Juli 1990), un den Goodsbesitter Joachim von Schwarzkopf (3. November 1922–19. Juni 1999) op dat Familiengood Poggmöhlen boren. Vondaag is he Goodsherr op Good Poggmöhlen. He hett 1978 an de Universität Bonn sien Dr. agr. maakt.
Von 1973 bet 1976 hett he in en Firma för Ünnernehmensberadung arbeidt un denn von 1976 bet 1979 as wetenschoplichen Mitarbeider an de Universität. Von 1979 bet 1981 weer he in’t Management von de Saaten-Union un is dor 1981 to’n Geschäftsföhrer opstegen.[1] To’n 1. Februar 1997 is von Schwarzkopf von de Saaten-Union as persönlich haftender geschäftsführender Sellschopper to Pfeifer & Langen wesselt.[2]
2015 is he as Nafolger von Eduard von Reden-Lütcken Präsident von de Ridderschop von dat Hertogdom Bremen worrn. Tosätzlich is he ok Vörsitter von’n Verwaltungsraad von dat Ridderschopliche Kreditinstitut Stood.
Von Schwarzkopf hett an’n 10. August 1974 in Bonn Margarete von Schwarzkopf, borene Prinzessin zu Löwenstein-Wertheim-Freudenberg (* 3. Oktober 1948), freet.[3] De beiden hebbt söss Kinner.
Footnoten
ännern- ↑ Who's Who in Germany. 1996, Sied 1837
- ↑ Botho von Schwarzkopf geht zu Pfeifer und Lagen. Agrarzeitung an’n 3. Februar 1997
- ↑ John Kennedy, John E. James: Almanach de Gotha: Annual Genealogical Reference. Band 1, 2004, Sied 601
