Bruchsal
Bruchsal (
Utspraak as Audiodatei D, dialektal Brusl) is en Stadt an den westlichen Rand van dat Kraichgau, etwa 20 Kilometer nördlich van Karlsruhe in Baden-Württemberg. De Stadt hett 44.644 Inwahner (Stand: 31.12.2018) up en Rebeet van 93,03 km².
Se is de Stadt mit den gröttsten Spargelmarkt van Europa, de gröttste Stadt van den Landkreis Karlsruhe un en Mittelzentrum för de umliggend Gemeenden. Bit 1972 weer Bruchsal Seet van den glieknamigen Landkreis, de dör de Kreisreform to’n 1. Januar 1973 in den Landkreis Karlsruhe upgahn is.
Um dat Johr 1955 gung de Inwahnertall över de 20.000-Grenze. Dorum wurr Bruchsal all mit Inkrafttreeden van de baden-württembergische Gemeendeordnung to’n 1. April 1956 to en Groot Kreisstadt verklort. Mit de Nahbargemeend Forst hett Bruchsal en Verwaltensgemeenschap afsnackt.
