Brummelbeer
Brummelbeer (f., pl. Brummelbeern, latiensch Rubus sect. Rubus) is een Ünneroort ut de Fomilie vun de Rosen. Alleen in Europa tellt’n woll üm un bi 2000 ünnerscheidlik Oorten vun Brummelbeern. Se wasst as Struuk oder ok as Klatterplanten in Höchten vun 50 bet to 300 cm. De Sprossen sünd mehr oder minner stickelig un se ward, je öller se sünd, fast un holtig. De Frücht, de ut mehr enkelte Beern bestaht, ward as Aavt eeten.
De miersten Brummelbeerstrüük smiet ehr Loof vör’n Winter af, eenige Oorten behölt dat Loof abers ok öber’n Winter un smiet dat erst in Fröhjohr af, wenn de frischen Blöh utdrieft.
Blöhen doot de Brummelbeern so af Mai un de eersten Beern sünd so af den Maand Aust to oornen.
