Hauptmenü öffnen

Bruno Conti (* 13. März 1955 in Nettuno, Rom) is en ehmalger italieensch Footballspeler, Footballtrainer un Sportfunktschonär.

KarriereÄnnern

De man blots 1,69 m groot Middelfeldspeler Conti speel lang Tiet bi AS Rom. Mit den Vereen wurr he 1983 ünner Nils Liedholm italieensch Footballmeester. In 16 Meesterschapsspeeltieden hett he all tosommen 37 Doren schaaten. Dorto hett he mit den Vereen veermal de Coppa Italia wunnen (1980, 1981, 1984 un 1986).

Sien eerst Lännerspeel för Italien hett Bruno Conti an’ 11. Oktober 1980 ünner Trainer Enzo Bearzot bi den 2:0-Sieg in Luxemborg maakt. Dör sien herutragen Leistung weer he maatgevend an den Gewinn vun de Football-Weltmeesterschap 1982 in Spanien bedeeligt. Insbesünnere in dat Endspeel gegen de düütsch Footballnatschonalmannschap wies he, wieso he in sien Heimat de Brasilianer nömmt wurr. Bit 1986 hett he in 47 Lännerspelen för de italieensch Natschonalmannschap fiev Doren schaaten.

In de Krisensaison 2004/05 führ Conti as veert Trainer vun de Saison de Mannschap vun de AS Rom in dat Pokalfinale tegen Inter Mailand un somit in den UEFA-Pokal, wiel Inter all för de Champions League qualifizeert harr. Hüüd is Conti Jöögdtrainer bi AS Rom.

PersönlichesÄnnern

Bruno Conti un sien Fru Laura hemm twee Söhns (Daniele un Andrea), de beid ok Profifootballer wurrn sünd.

WeblenkenÄnnern