Buur (Speelkoort)

De Buer is en Speelkoort mit dat Bild vun en jungen Mann, tomehrst en Ridder oder Soldat. De Weert vun de Koort is tomehrst so as wenn dat en 11 weer. Blangen dat Bild is op de Koort ok en Symbol. Op düütsch is dat en „B“ för Buer. Op franzöösch steiht dor „V“ för Valet. Op Ingelsch heet de Koort Jack un hett en „J“.

De Piek-Buer in't Anglo-Amerikaansch Blatt

Fröher heet de Koort op Engelsch knave (düütsch: Knappe). As de Lüüd in de Mitt vun't 19. Johrhunnert anfungen hebbt, op de Bildkoorten ok de Bookstaven mit optodrucken, hebbt se toeerst Kn schreven, aver denn hebbt se markt, dat een dor to faken mit den König mangdör keem un denn hebbt se de Koort to Jack ümnöömt.

In't franzöösch Blatt hebbt de Buern en traditschonelle Bedüden:

Krüüz-Buer: Lancelot, de Ritter ut de Artussaag
Piek-Buer: Hogier, ein Vedder vun Karl den Groten
Harten-Buer: La Hire, en Suldat vun Johanna vun Orleans
Ruten-Buer: Hektor vun Troja oder Roland, en Paladin vun Karl den Groten

Koortenspelen