Cappler Waterlöös

(wiederwiest vun Cappeler Waterlöös)

De Cappler Waterlöös is en Waterloop in Land Wusten (Landkreis Cuxhoben).

De Waterlöös fangt in’n Westen von Sorthum un in’n Süüdwesten von Millm an’n Wallsgroov an un löppt na Noordwesten an’n Hoff Rosengoorn langs na’n Millmer Südermarrn. De Waterloop is dor denn över den Graven an’n Bütteler Weg mit de Ack verbunnen. Kort Enn later is de Waterlöös ok mit de Spieker Waterlöös un över en Graven mit’n Wallsgroov verbunnen. Von dor dreiht de Waterlöös bet Grotenbüttel na Süüdwesten un denn na Noordwesten. Se geiht dör Cappel, den Cappler Böver- un Nedderstreek un an Cappler Olendiek langs. Bi Cappler Neefeld is de Waterlöös fröher in de Werser münnt. In de Midd von dat 20. Johrhunnert is dat Butendeep von de Waterlöös jümmer mehr toslickt un kunn blots noch mit groten Opwand apenhollen warrn. Dor is denn en Graven na Süüdwesten anleggt worrn, över den dat Water na Dorumer Neefeld un dor över dat Dorumer Butendeep in de Werser flütt. Dat Cappler Siel is denn 1979 ganz dichtmaakt worrn.[1]

Footnoten ännern

  1. Renate Grützner: Der Grauwallkanal und die Folgen