Carl Heiligenstadt

düütsch Politiker

Carl Heiligenstadt (* 8. Oktober 1860 in Geestmünn; † 5. Juni 1920) weer en düütschen Bankdirekter un Politiker.

Heiligenstadt is 1860 in Geestmünn boren. He hett Staatswetenschoppen un Bueree an de Universitäten Leipzig, Berlin un Heidelberg studeert un 1884 sien Dr. phil. maakt. Vör dat Studium harr he al praktisch de Bueree kennenlehrt un na dat Studium hett Heiligenstadt in’n April 1888 anfungen för de Bank A. Busse & Co. A.G. to arbeiden. In’n Juli 1889 is he in de Direkschoon von de Disconto-Gesellschaft wesselt. An’n 1. April 1894 is he as Hülpsarbeider för statistische un volksweertschopliche Fragen in de Rieksbank beropen worrn un an’n 1. Oktober 1895 as Maat in dat Direktorium von de Prüüßsche Central-Genossenschaftskass. Heiligenstadt hett blangen annere lüttjere Arbeiden in Conrad un Schmoller jemehr Johrböker en Reeg gröttere Opsätz över Bankwesen, Bankpolitik un Hannelsbilanz schreven un de Schrift Die Preußische Central-Genossenschaftskasse, Jena 1897 rutbröcht.

Von 1898 af an weer he Maat von’n Düütschen Rieksdag för den Wahlkreis Meideborg 6 (Wanzleben). He weer dor in de Natschonalliberale Partei. Sien Mandaat hett he an’n 5. Juli 1900 dalleggt. För em is denn Paul Schmidt nawählt worrn.

Na’n Dood von Karl von Huene is he 1900 Präsident von de Prüüßsche Central-Genossenschaftkass worrn, wat he bet to sien Dood 1920 dör en Hartslag bleven is.