Carl Kress
Carl Kress (* 20. Oktober 1907 in Newark, New Jersey; † 10. Juni 1965 in Reno, Nevada) weer en US-amerikaansch Jazz-Gitarrist vun den Oldtime Jazz un den Swing. He hörrt mit Eddie Lang to de Pionieren vun de Jazzgitarre.
.jpg)
Leven ännern
Carl Kress hett sien Karriere 1926 bi den Little Ramblers un in dat Orchester vun Paul Whiteman anfungen. Af 1927 wurr he en bekannt Jazzgitarrist, as he bi Plattenupnahmen vun Bix Beiderbecke, Miff Mole, den Dorsey Brothers, Frankie Trumbauer un Adrian Rollini mitwarken dee. He hett ok Gitarren-Duette upnommen, insbesünnere mit Eddie Lang (Feeling My Way, Pickin' My Way 1933) un mit Dick McDonough (Danzon un Stage Fright, 1934). In disse Tiet weer Kress ok Deelhebber vun den legendären Onyx-Club up de 52nd Street in New York. In den 1930er Johren weer Kress vörweegend bi Radiostatschonen beschäftigt, later ok för dat Feernsehn. Buterdem nehm Kress Schallplatten mit Muggsy Spanier 1944, Pee Wee Russell 1945, Bobby Hackett un Tommy Dorsey 1949 un Pearl Bailey up. Wiederhen hett he in dat Gordon Jenkins Orchester as Begleiter vun Louis Armstrong mitwarkt un speel Banjo iin dat Trio vun Clarence Hutchenrider. He is wiels en Tournee mit George Barnes an en Hartinfarkt storven.
Literatur ännern
- Leonard Feather, Ira Gitler: The Biographical Encyclopedia of Jazz. Oxford University Press, New York 1999, ISBN 0-19-532000-X.
- Richard Cook, Brian Morton: The Penguin Guide of Jazz on CD. 6. Uplaag. Penguin, London 2002, ISBN 0-14-051521-6.