Charles Frederick Theodore Snelling (* 17. September 1937 in Toronto, Ontario) is en ehmalger kanaadsch Ieskunstlöper, de in’t Eenzel antreeden is.

Snelling hett söss Mal de kanaadsch Meesterschapen wunnen (1954-1958 un 1964). Dort wurr he in de Johren 1953, 1965 un 1966 noch Viezmeester. Sien gröttste Erfolg weer aber de Bronzemedaille bi de Weltmeesterschap 1957 in Colorado Springs achter de amerikaansch Löper David Jenkins un Tim Brown aber vör Alain Giletti ut Frankriek. Bi de Olympisch Spelen 1956 keem he up den 8. Platz. 1958 hett he sien Loopbahn eerstmal afslooten un dornah Medizin an de University of Toronto studeert. Nahdem he sien Afsluss dor harr, keem he 1964 torüch un hett sien letzten natschonalen Meestertitel haalt. Bi de Olympischen Spelen 1964 keem he aber blots up den 13. Platz.

Snelling hett nah sien sportlich Loopbahn as plastischer Chirurg, van 1970 bit 1977 in Winnipeg un dornah in Vancouver arbeit.

Weblink ännern