Charles Watson-Wentworth, 2. Marquess of Rockingham

Charles Watson-Wentworth, 2. Marquess of Rockingham, KG, PC (* 13. Mai 1730 im Wentworth Woodhouse bi Rotherham; † 1. Juli 1782 in London) weer en britisch Whig-Politiker un tweemal Premierminister vun dat Vereente Könikriek.

He wurr as dart achte Kind vun all tosommen teihn vun Thomas Watson-Wentworth, 1. Baron Malton, im Wentworth Woodhouse bi Rotherham boren. To sien Vörfohren hörr Thomas Wentworth, 1. Earl of Strafford. Sien Vader wurr 1733 to'n Earl of Malton un 1746 to'n Marquess of Rockingham in de Peerage of Great Britain erhaben. Charles Watson-Wentworth hett as eenzig Söhn de Pubertät överleevt, wat hüm 1739 to'n Titelarv maken dee; he führ de Höflichkeitstitel Viscount Higham.

Watson-Wentworth hett de Westminster School un dat St. John's College, Cambridge besöcht. 1746 wurr he Oberst in en Regiment vun Freewilligen, wo he William Augustus, Duke of Cumberland kennen lehrt hett, mit den hüm en levenslang Früendschap verbunn. Sien Eenheit hett gegen de Truppen vun Charles Edward Stuart wiels den Tweeten Jakobitenupstand kämpt.

1750 wurr he to'n Earl Malton in de Peerage of Ireland erhaben, noch in dat sülvig Johr folg he sien Vader nah de sien Dood in sien Titel nah. He hett an' 26. Februar 1752 de 16-johrige Mary Bright heiraadt, de he bleev aber ahn Kinner.

1761 kreeg he den Hosenbandorden verleeht, 1763 wurr he Gouverneur vun Charterhouse. Sien Früend Duke of Cumberland hett dorför sörgt, dat Watson-Wentworth in' Juli 1765 Premierminister wurr. Sowohl de Hartog as ok mehrere eng politisch Früenden, as Thomas Pelham-Holles, 1. Duke of Newcastle-upon-Tyne, un Augustus FitzRoy, 3. Duke of Grafton, sünd in de Regeeren intreeden. Persönlich Privatsekretär wurr de anglo-irische Schriever, Staatsphilosoph un Politiker Edmund Burke, mit de he tietlevens en eng persönlich Früendschap pleegen dee. Ofschons sück Watson-Wentworth insbesünnere um en Verbetern vun dat Verhältnis to de nordamerikaansch Kolonien bemöhen dee, is de Regeeren all nah een Johr an intern Differenzen tweibraken.

De folgen 16 Johr bleev Watson-Wentworth in de Oppositschoon. He hett wiederhen de Verfaatensrechte vun de nordamerikaansch Kolonisten un later ok deren Unafhängigkeit ünnerstütt.

In' März 1782 wurr he to'n tweeten Mal Premierminister, he hett en Politik vun de Versöhnung mit den Vereenigte Staaten inleit un hett deren Unafhängigkeit anerkannt. De Marquess bleev aber blots noch de kört Tiet bit to sien Dood in't Amt.

As Watson-Wentworth an 1. Juli 1782 dood bleev, sünd ok de vun hüm dragen Adelstitel erloschen; sien Arv wurr sien Neffe William FitzWilliam, 4. Earl FitzWilliam.

Kiek ok

List vun de Premierministers vun Grootbritannien

Weblenken

Charles Watson-Wentworth, 2. Marquess of Rockingham. Mehr Biller, Videos oder Audiodateien to’t Thema gifft dat bi Wikimedia Commons.

Premierministers vun Grootbritannien