Charlotte (North Carolina)
Charlotte is de gröttste Stadt van den US-Bundsstaat North Carolina. Van de Grött her liggt se up Platz 17 in de USA. Se liggt an de Grenz to South Carolina in den Mecklenburg County un is ok Verwaltensseet van dat County.
Charlotte hett 842.051 Inwahner (Stand: 2016) up en Flach van 629,0 km2 (dorvan 627,5 km² Landflach). Dormit wahnen dor mehr Lüüd as in Atlanta, Detroit oder Miami. In de Metropolregion Charlotte-Gastonia-Concord leven etwa 2.470.000 Minschen.
In Charlotte, de ok „Queen City“ nömmt wurrd, hett de gröttste US-Bank ehrn Seet, de Bank of America, un is de tweetwichtigste Bank- un Finanzplatz van de USA. Buterdem is dor en groot Flooghaven, mit de weltwiet de sössmeesten Floogbewegungen. Charlotte is ok Universitätsstadt, de University of North Carolina at Charlotte is dor to Huus.
Bekannt Lüüd ut de Stadt ännern
- Charles Moss Duke (* 1935), Astronaut
- Don Kirkpatrick (1905-1956), Jazzmusiker