Charlotte Kerr
Charlotte Kerr (* 29. Mai 1927 in Frankfort an’n Main; † 28. Dezember 2011 in Bern, Swiez[1]) weer en düütsche Schauspelersche, Speelbaassche un Filmproduzentin.
Leven un Wark
ännernDat geev Vermoden, dat Keer de Dochter vun den Berliner Theaterkritiker Alfred Kerr weer, man dat is nich wohr. Se harr 1951 ehrn eersten Optritt op de Bühne in Fritz Kortner sien Inszeneren vun dat Schiller-Stück Don Carlos. Bekanntheit hett se kregen dör ehr Rull as General Lydia van Dyke in de düütschen Feernsehreeg Raumpatrouille (1966) as ok in de kritischen Filmen vun Rainer Erler (Fleisch, 1979). Blangen ehr Arbeit as Dorstellersche hett se ok as Dreihbookschrieversche, Produzentsche un Speelbaasche an verschedene Dokumentarfilmen arbeit.
Kerr weer mit den Filmproduzent Harry R. Sokal (1898–1979) verheiraat. 1983 hett se Friedrich Dürrenmatt drapen, as se jüst en Portrait mit de greekschen Ministersche Melina Mercouri dreiht harr. Ut de Diskusschoon üm sien Stück Achterloo hett sik en drangere Verbinnen entwickelt. 1984 hett se em heiraat. Mit em tosamen is de Film Porträt eines Planeten (1984) as ok dat Theaterstück Rollenspiele. Na den Doot vun Dürrenmatt hett se sik üm sien Malerwark sorgt, dat he torüchlaten hett. In ehr Book Die Frau im roten Mantel vertell se vun ehr Leven an de Siet vun den Schriever. 2000 is in Neuchâtel dat Centre Dürrenmatt apen maakt worrn, dat se op’n Weg bröcht hett.
Filmografie (Utwahl)
ännern| Johr | Titel |
|---|---|
| 1952 | Karneval in Weiß |
| 1960 | Heldinnen |
| 1961 | Erinnerst du dich?, Feernsehn |
| 1963 | Die Probe oder Die bestrafte Liebe, Feernsehn |
| 1966 | Raumpatrouille, Feernsehreeg |
| 1968 | Heißer Sand auf Sylt |
| 1969 | Mattanza – Ein Liebestraum |
| 1969 | Deine Zärtlichkeiten |
| 1972 | Versuchung im Sommerwind |
| 1974 | Die Antwort kennt nur der Wind |
| 1978 | Plutonium, Feernsehn |
| 1979 | Fleisch, Feernsehn |
| 1982-84 | Der Andro-Jäger, Feernsehreeg |
| 1989 | Achterloo IV, Feernsehn |
Utteken
ännernKerr hett keen Filmpriesen wunnen, weer aver 1981 tohopen mit Christian Blackwood för den Goldenen Hugo nomineert för de Beste Dokumentatschoon över de Kleedaaschmakersche Edith Head.
Book
ännern- Die Frau im roten Mantel. Piper, München 1992, ISBN 3-492-03589-2; Taschenbook 1994, ISBN 3-492-11916-6
Borns
ännern- ↑ Dürrenmatts Witwe Charlotte Kerr gestorben., in:Neue Zürcher Zeitung vun’n 1. Januar 2012; afropen an’n 1. Januar 2012.
Weblenken
ännern- Literatur vun un över Charlotte Kerr in’n Katalog vun de Düütschen Natschonalbökeree
- Charlotte Kerr in de Internet Movie Database (engelsch)