Río Chiquibul
| Río Chiquibul | ||
|---|---|---|
| Laag | Belize, Guatemala | |
| ||
| Stroomsystem | Belize River | |
| Born | in de Maya-Bargen | |
| Münn | bi El Cruzadero in’n Mopan | |
| Koordinaten Münn: | Koordinaten:16° 58′ N, 89° 13′ W16° 58′ N, 89° 13′ W | |
| linke Blangenströöm | Smoky Branch, South Chiquibul | |
De Río Chiquibul oder Chiquibul River is en Stroom in Belize un Guatemala, de in’n Mopan münnt.
Verloop ännern
De Born von’n Stroom liggt ganz in’n Süden von’n Distrikt Cayo von Belize in de Maya-Bargen. Dat gifft twee Telgen. De 31 Kilometer lange South Chiquibul kummt ganz ut’n Süden, nimmt von rechts den 21 Kilometer langen Ceibo Grande (de sülvs den 12 Kilometer langen Ceibo Chico opnimmt) op un von links den 16 Kilometer langen Rio Blanco. De annere Telg kummt ut’n Oosten (mit’n Born bi 16° 39′ N, 88° 49′ W), flütt toeerst na Westen, nimmt von links den 18 Kilometer langen Smoky Branch op un flütt denn na Noordwesten. Düsse twete Telg löppt deelwies ünnereerdsch dör dat Höhlensystem von Chiquibul un kummt eerst in dat Departamento Petén von Guatemala wedder vördaag. Dor in Guatemala doot de beiden Telgen tohoopfleten.
De Stroom flütt na Noordwesten un dreiht fiev Kilometer in’n Süden von El Cruzadero bi Salpet na Noordoosten. Fiev Kilometer in’n Oosten von El Cruzadero münnt de Stroom in’n Río Mopan.
De twee Afsneed böver de Eer sünd tohoop 66 Kilometer lang. Dor liggt en Luftlien 12 Kilometer langen Afsnidd, in den dat Water ünnereerdsch löppt.