Chloroplast
(wiederwiest vun Chloroplasten)
En Chloroplast höört to de Plastiden un is en Deel vun de Zell vun de grönen Planten. Dat is en Organell, de de Photosynthees maakt. In de Chloroplasten binnen is de gröne Farv, de Chlorophyll nöömt warrt.
Chloroplasten hebbt jemehr eegen DNA. Dat ward so verkloort: Bevör dat Zellen vun de Eukaryonten geev as hüüt, sünd mol Bakterien, de ok Photosynthees maken köönt, in en gröttere Zell rinwannert. De hebbt sik dat dor kommodig maakt un an de gröttere Zell Zucker afgeven. So to seggen as Symbionten in de Zell, wat ok de Endosymbiontenhypothees heet.