Christian Sievers
Christian Sievers (* 10. Dezember 1969 in Offenbach) is en düütschen Feernsehjournalist un Feernseh-Moderater.
Leven un Wark
ännernSievers hett 1989 sien Abitur maakt. Dorna hett he vun 1989 bit 1995 Rechtswetenschop in Berlin un Freiburg in’n Breisgau studeert un denn dat eerste Staatsexamen maakt.[1]
Vun 1989 bit 1991 hett he nevenbi as Reporter bi’n RIAS Berlin arbeit un weer twüschen 1991 un 1993 Moderater un Reporter bi’n Süüdwestfunk in Freiburg un dorna as Moderater un Redakteur bi’n SWF3 in in Baden-Baden[2]. Mit en Stipendium vun de Carl-Duisberg-Sellschop arbeit he denn 1996/97 in de USA bi’t ABC-TV in New Haven, Connecticut.
Siet 1997 arbeit Sievers as Moderater un Redakteur bi’t ZDF. He weer dor vun 1998 bit 2000 Moderater un Redakteur bi Sennen as heute, heute mittag oder TOP 7. Bit 2009 hett he ok dat ZDF-Morgenmagazin modereert. Siet 2008 wiest Sievers in’n Rahmen vun de Wahlreportaaschen vun’t ZDF tosamen mit Bettina Schausten de Hoochreken un Wahlresultaten vun de Forschungsgrupp Wahlen[3].
För dat ZDF hett Sievers as Reporter ünner annern ut Israel, den Kosovo un Bosnien bericht un weer bi aktuelle Begeevnissen as to’n Bispeel bi de Terroranslääg vun’n 11. September as Live-Reporter vör Oort. Af Oktober 2009 weer he Baas vun’t ZDF-Utlandsstudio in Tel Aviv un hett in’n Januar 2013 Maybritt Illner ehrn Platz as Moderater vun’t heute-Journal övernahmen, bevör he in dat ZDF-Sennenzentrum nah Mainz wesselt is un dor siet 8. September 2014 Moderator vun de heute-Hööftutgaav um 19 Ühr as Nahfolger vun Matthias Fornoff is.
Borns
ännern- ↑ Interview mit Christian Sievers www.insight-online.de
- ↑ Levensloop Christian Sievers op www.pressetreff.zdf.de
- ↑ ZDF: Christian Sievers löst Steffen Seibert als "Mann der Zahlen" ab Digitalfernsehen.de vun’n 14. Februar 2008