Christiane Paul (Schauspelersche)
Christiane Paul (* 8. März 1974 in Berlin-Pankow) is en düütsche Schauspelersche.
Leven un Wark ännern
Christiane Paul is en en Mediziner-Familie opwossen: ehr Vadder is Fackdokter för Orthopädie/Chirurgie un ehr Mudder is Anästhesistsche. Vun 1980 bit 1990 hett se de Polythechnische Böverschool Ernst Busch in Pankow besöcht. To ehr Schooltiet weer se dor Grundorganisatschooonsleidersche vun de FDJ[1] Na’t Abitur 1992 an de Friedrich-List-School, en Böverstopenzentrum in Berlin-Schöneberg hett se an de Humboldt-Universität to Berlin Medizin studeert un dor 2002 promoveert. Ehrn Beroop as Doktersche hett se aver 2004 wedder opgeven, vunwegen dat se sik blangen de Optucht vun ehr Kind ok wedder mehr üm de Schauspeleree to scheren[2].
Paul hett fröh as Fotomodell för Tietschriften as Bravo arbeit un kreeg mit 17 Johren ehr eerste Hööftrull in den Film Deutschfieber. Parallel to’t Medizin-Studium hett se ok Schauspeel maakt un weer korte Tiet an’t Lee-Strasberg-Institut in New York City.
August 2006 hett se den Chirurgen Wolfgang Schwenk heiraat, den se wiel ehr Utbilln as Doktersche an de Berliner Charité drapen hett. Ut en fröhere Partnerschop hett se en Dochter, de 2002 boren weer. Mit ehrn Mann hett se noch en Söhn, de 2007 boren weer. Se leevt mit ehr Familie in Hamborg.
Vun Tiet to Tiet speelt Paul an’t Theater un leest Höörböker.
Sozial Insetten ännern
Christiane Paul is internatschonale Bottschoppersche vun de Welt-AIDS-Dag-Kampagnen[3] 2005, 2007 un 2009. Se ünnerstütt de Akschoon Deine Stimme gegen Armut, is Liddmaat vun de Naturallianz, de vun Bundsminister Sigmar Gabriel in’n Rahmen vun de CBD-COP9 grünnt weer un sik för’t Wohren vun de biloogschen Veelfalt insett. Se versteiht sik nich blots as Doktersche un Schauspelersche, man ok as Ümweltaktivistin[4] un Kämpersche för en betere Bildung[5]. Se weer Amnesty International-Juryliddmaat bi de Internatschonale Filmfestspele Berlin 2007 un seggt: „Filmen, de goot maakt sünd, künnt dat Verstahn vun kumplexe Theme as de Minschenrechten waak maken, verdeepen un vergröttern. Un in’n betsen Fall kann en Film de Tokiekers dorto bewegen, sik för de Rechten un Wörden vun Oppers vun Minschenrechtsvergahn intosetten“[6].
Filmografie (Utwahl) ännern
Theaterrullen (Utwahl) ännern
- 2004: Engel vun’t Vertwieveln in: Der Auftrag vun Heiner Müller, Haus der Berliner Festspiele
- 2008: Anna in Iwanow vun Anton Tschechow, Düsseldörper Schauspeelhuus
Höörböker (Utwahl) ännern
- Kafka Collection vun Franz Kafka, Christiane Paul leest dat Vertellsel Kinder auf der Landstraße, Patmos audio 2008, ISBN 978-3-491-91260-1
- Am Weihnachtsabend – Die schönsten Geschichten zum Fest, Christiane Paul leest dat Vertellsel Die Fähre vun Joan Aiken, Patmos audio 2007, ISBN 978-3-491-91248-9
- Halbnackte Bauarbeiter vun Martina Brandl, Patmos audio 06/2007, ISBN 978-3-491-91247-2
- Im Dunkel der Wälder vun Brigitte Aubert, Patmos audio 03/2007, ISBN 978-3-491-91229-8
- Reliquienblut und Gottesurteil vun Rebecca Gablé, Der Hörverlag 2006, ISBN 3-89940-837-3
- Sigmund Freud: Krankengeschichten, die wie Novellen zu lesen sind, Der Hörverlag 2006, ISBN 3-89940-838-1
- Für immer verzaubert - Die schönsten Prinzessinnen – Geschichten vun Martina Patzer (Rgv.), Cbj Verlag 2006, ISBN 3-86604-097-0
- Morpheus vun Jilliane Hoffman, Argon Verlag 2005, ISBN 3-87024-093-8
- Wie es leuchtet vun Thomas Brussig, Roof Music 2005, ISBN 3-936186-85-5
- Hans Christian Andersen: Märchen, Hörcompany 2004, ISBN 3-935036-60-4
- Alice im Wunderland vun Lewis Carroll, Roof Music 2003, ISBN 3-936186-26-X
- Die Gesetze vun Connie Palmen, Roof Music 2002, ISBN 3-936186-06-5
- Sandmännchens Geschichtenbuch vun Gina Ruck-Pauquèt, Der Audio Verlag 2009, ISBN 978-3-89813-873-4
- Sandmännchens Geschichtenbuch 2 vun Gina Ruck-Pauquèt, Der Audio Verlag 2009, ISBN 978-3-89813-902-1
- Puck der Zwerg vun Jakob Streit, Sauerländer audio 2010, ISBN 978-3-7941-8506-1
- Die Lieblingsmärchen der Deutschen vun de Bröder Grimm un Hans Christian Andersen, Christiane Paul leest dree Määrken, Patmos audio 2010, ISBN 978-3-491-91312-7
Utteken ännern
Paul hett bit hüüt (Stand: April 2011) veer Priesen wunnen:
- 1996: den Max-Ophüls-Pries in de Kategorie Nawass-Schauspeler för Ex
- 1996: den Bayerisch Filmpries in de Kategorie Nawass-Schauspelersche för Workaholic
- 1998: Goldene Kamera („Lilli Palmer Gedächtniskamera“) in de Kategorie Beste Nawass-Schauspelersche
- 1999: Berliner Boor
Literatur ännern
- Christiane Paul: Einflussfaktoren auf die perioperative Morbidität und Mortalität in der primären Hüftendoprothetik: eine retrospektive, fallkontrollierte, unselektierte Studie über 628 Implantationen. Dissertatschoon, Humboldt-Universität to Berlin, 2002.
- Beatrice Ottersbach, Thomas Schadt, Nina Haun (Rgv.): Schauspieler-Bekenntnisse, UVK Verlag Konstanz 2007, ISBN 978-3-89669-685-4
Borns ännern
- ↑ Der Spiegel: Die Liebe siegt, 2008, Utgaav 49}}
- ↑ 2007: [[Stern (Tiedschrift)|]] – Christiane Paul: Eine gestandene Frau Interview mit Christiane Paul ut de Tietschrift U mag
- ↑ 2007: Botschafterin des Weltaidstags 2007: Filmschauspielerin Christiane Paul Video-Statement to’n Welt-Aids-Dag
- ↑ „Es geht nicht darum, was die Leute in China machen“ In: taz vun’n 9. Mai 2007. Interview mit Christiane Paul to’t Thema Umweltschuul
- ↑ Ich habe einen Traum. – ZEIT online 2002
- ↑ 2007: Christiane Paul för amnesty international op de Berlinale
Weblenken ännern
- Offizielle Websteed
- Christiane Paul in de Internet Movie Database (engelsch)
- Literatur vun un över Christiane Paul in’n Katalog vun de Düütschen Natschonalbökeree