Coamern

Coamern (hoochdüütsch Cammer) is en Dörp, dat to de Stadt Bückeborg in’n Landkreis Schaumborg, Neddersassen, höört. Dat Dörp hett 762 Inwahners (Stand 2000).

Wapen vun Coamern

Dat Dörp liggt glieks an de Grenz na Nordrhien-Westfalen.

Historie

Toeerst in de Oorkunnen kummt de Cammerhoff an’n 6. Mai 1562 vör, as Graaf Otto vun Schaumborg un dat Minner Domkapittel en poor Wischen tuuscht.

Ene egene Volksschool hett de Oort 1837 kregen. 1913 harrn se noch wedder en nee Schoolhuus boot. 1969 hebbt se de Volksschool dichtmaakt un de Kinner müssen nu na Frille.

Mit de Kommunalreform 1974 keem Coamern an de Stadt Bückeborg.

Religion

Coamern is vun öllers her evangeelsch-luthersch. Dat Dörp höört to dat Kaspel Frille to.

Inwahnertall

Johr	Inwahners
1910	467
1925	528
1933	513
1939	498
2000	762

Politik

De Oortsbörgermeester vun Coamern is Fritz Rösener.

Verkehr

Dat Dörp liggt direkt an de Bahnlien Nienborg-Minnen, hett aver keen egen Bahnhoff. De nächste Bahnhoff is in Bückeborg. De Bundsstraat 482 löppt so bi 500 Meter westen vun dat Dörp vun Noord na Süüd langs.

Weblenken

• Websteed vun dat Dörp (hoochdüütsch)