Coen Dillen
Coenraad „Coen“ Hendrik Dillen (* 5. Oktober 1926 in Eindhoven, Nedderlannen; † 24. Juli 1990 in Goes, Nedderlannen) weer en nedderlannsch Footballspeler.
Dillen fung in dat Öller vun 11 Johren bi den Vv Brabantia in Eindhoven mit dat Footballspelen an. 1941 gung he to’n eersten Mal to PSV Eindhoven un speel dor bit 1946. Ansluutend gung he torüch to Brabantia, bevör he 1949 sluutend weer to’n PSV torüch gung. Dor bleev he denn bit 1961.
Wiel sien Tiet bi den PSV hett he in 328 Spelen 287 Doren schaaten. In de Saison 1956/57 wurr he mit 43 Doren in de nedderlannsch Liga best Doorjäger vun Europa un stell den bit hüüd gültigen Doorrekord in’n nedderlannschen Football up. Nah sien Tiet bi den PSV Eindhoven speel he noch twee Johren bi Helmondia 55, bevör he sien aktiov Loopbahn afsluuten dee.
Tüschen 1954 un 1957 hett Dillen fief Lännerspelen för de nedderlannsch Natschonalmannschap bestreeden, in de he veer Doren schaaten hett.
Nah sien aktiv Footballerloopbahn weer he noch twee Johren lang as Trainer vun den Amateurvereen RKSV Nuenen tätig.