Conrad Heinrich Andreas Hepke
Conrad Heinrich Andreas Hepke (* 1729 in Gosler; † 18. Juni 1793 in Wischhoben) weer en düütschen Verwaltungsbeamten.
Hepke is 1729 as Söhn von Maria, borene Brunsberg, un Eberhard Hepke in Gosler boren.[1] He hett sik an’n 16. April 1749 an de Universität Göttingen inschreven un Juristeree studeert.[1] Na dat Studium is he in’n hannöverschen Staatsdeenst gahn. He is 1768 Amtsschriever in dat Amt Syke worrn.[1] An’n 10. November 1769 hett he tohoop mit siene Fro dat Börgerrecht von de Stadt Gosler kregen.[1] 1780 is he as Amtsschriever in dat Amt Neehuus wesselt.[1] 1789 is he Amtmann in dat Amt Wischhoben un Greev in dat Grevengericht Freeborg worrn un dat bet to sien Dood 1793 bleven.[1]
Hepke hett an’n 26. September 1769 in Bremen Margarethe Sophie Elisabeth Olbers (22. März 1751–6. Oktober 1796; Dochter von Johann Georg Olbers) freet.[1] De beiden harrn söss Döchter un een Söhn. To de Kinner hebbt Anne Marie (1774–25. August 1804; hett Friedrich Gottlieb Sarnighausen freet) un Theodor (Koopmann in London) tellt.[1] Von de annern Döchter weer een mit’n Koopmann Claepius, een mit’n Landsyndikus Domeyer un een mit’n Gerichtsverwalter Rohdenburg verheiraadt.
Footnoten
ännern- ↑ a b c d e f g h Hans-Cord Sarnighausen: Hannoversche Amtsjuristen von 1715 bis 1866 in Neuhaus an der Oste. in Jahrbuch der Männer vom Morgenstern 91, 2012
