Conspirator (Film)
Conspirator is en britisch Film ut dat Johr 1949 mit Robert Taylor un Elizabeth Taylor in de Hööftrullen. Speelbaas vun dissen Thriller weer Victor Saville.
| Filmdaten | |
|---|---|
| Originaltitel: | Conspirator |
| Düütsch Titel: | Verschwörer |
| Produkschoonsland: | Grootbritannien |
| Johr vun’t Rutkamen: | 1949 |
| Läng: | 87 Minuten |
| Originalspraak: | Engelsch |
| Filmkru | |
| Speelbaas: | Victor Saville |
| Dreihbook: | Sally Benson, Gerard Fairlie, Humphrey Slater |
| Produkschoon: | Arthur Hornblow Jr. |
| Musik: | John Wooldridge |
| Kamera: | Freddie Young |
| Snitt: | Frank Clarke |
| Dorstellers | |
| |
Inholt
ännernLondon 1949: En jung good utsehnd amerikaansch Fru, Melinda Greyton, un de eensam engelsch Major Michael Curragh hebbt sück leev un heiraten. He is aber en sowjeetsch Spion. As Melinada dat Düppelleven vun hör Man opdeckt un hüm drängt, de Spionagetätigkeiten uptogeven, sünd de russch Uptraggever bang, dat Melinda hör gefährlich wurrn kunn. Michael sall hör dood maken, bringt dat aber nich fardig, wiel he hör leev hett. Sien Updraggever fordert hüm denn up, Suizid to begahn. Melinda, de in hör Geföhl hen- un herreeten is, kann dat nich verhinnern, wurrd vun den engelschen Geheimdeenst, de Michael Spionagetätigkeit all lang beobacht hett, aber upfordert, dat Speel vun hör Mann wieder to spelen.
Achtergrund
ännernVan November 1948 bit Februar 1949 wurr de Film vun de britisch Metro-Goldwyn-Mayer Studios produzeert un in swartwitt dreiht. MGM hett de Film ok rutgeven.
Premiere weer an’ 9. Dezember 1949. In de USA wurr de Film af den 24. März 1950 wiest In Düütschland harr de Film an’ 29. Mai 1959 Eerstupführung.
Weblenken
ännern- Conspirator in de Internet Movie Database (engelsch)