Cox's Bazar
Cox's Bazar (bengaalsch কক্সবাজার, Kaksabājār; [kɔksbadʒaɾ]) is de Hööftstadt von dat Upazila Cox's Bazar Sadar un den Distrikt Cox's Bazar, Division Chittagong, in’n Süüdoosten von Bangladesch. Se liggt an’n Golf von Bengalen, an den de Stadt en langen Sandstrand hett. De Stadt hett 51.918 Inwahners (Stand 2007) op en Rebeed von 6,85 km².
.jpg)
Ehren Naam hett de Stadt na Hiram Cox, en Offzeer von de Brietsche Oostindien-Kumpanie, de hier 1799 doodbleven is.
Geografie
ännernDe Oort liggt an de Küst von’n Golf von Bengalen. De Bakkhali münnt bi Cox's Bazar in de See. Vör de Küst liggt dat Eiland Maheshkhali. In’n Süden is de Himchari-Natschonalpark.
De Milljonenstadt Chittagong liggt 150 Kilometer in’n Noorden.
De Stadt is indeelt in 29 Mahallas (Naverschoppen).
Historie
ännern1773 is Hiram Cox Supperndent von’n Posten Palonki worrn un dat bet 1799 bleven. Em to Ehren is de Marktoort Palonki Cox's Bazar nöömt worrn.
De Oort is 1869 en Gemeen worrn un hett 1989 den Rang von en Klass-B-Gemeen kregen.
Nadem de Kolonialherrschop von de Briten in Süüdasien 1947 ophöört hett, is Cox's Bazar Deel von de Provinz Oostbengalen binnen dat Land Pakistan worrn un 1955 von de Provinz Oostpakistan. Börgermeester weer von 1950 af an Fazlul Karim. Siet dat Enn von’n Bangladesch-Krieg höört de Oort to dat Land Bangladesch.
Weertschop un Infrastruktur
ännernFör de Stadt speelt ünner annern de Fischeree un de Tourismus en grote Rull.
Bi de Stadt kummt dat Seekabel SEA-ME-WE 4 an Land.
Verkehr
ännernDe Flegerverkehr in de Stadt löppt över’n Flegerhaven Cox’s Bazar.
Weblenken
ännern
Koordinaten:21° 27′ N, 91° 58′ O