Cox Orange
Cox Orange (ok Cox Orangenrenett, Russet Pippin oder Betere Muskatrenett is en Sort vun’n Huusappel (Malus domestica).
De Cox Orange warrt to de ollen Appelsorten rekent. Se is 1825 vun Richard Cox in Colnbrook Lawn in Birminghamshire, England, as Samling vun en free afbleihten Ribston Pepping afsünnert worrn un weer vun 1850 an vun de Boomschool Smale and Sons verbeedt. He tellt to de Tafelappels, de an’n besten smecken doot, un is weltwiet verbreedt. De Anbo is aver nich eenfach, vun wegen dat de Cox Orange hoge Anspöök an’n Bodden, an de Laag un an de Pleeg hett. De Appel egent sik nich för den anduern Anbo op Streiaaftwischen. In’n Huusgoorn schülln em ok blots Hobbygoorners anpkanten, de sik goot utkennt. Ünner de ollen Sorten is de Cox Orange een vun de wenigen Appels, de noch en gröttere Rull in’n kommerziellen Aaftanbo speelt.
De Sort warrt Enn vun’n September riep un künnt bit Enn März lagert warrn. Frost verdriggt de Boom nich goot, un he is ok bannig anfallig för Krankheiten un Schadenmakers. Dat he noch jümmer in’t Verkoopsanbott to finnen is, liggt aleen an sien rutragen Smack. De Büüt is blots an de besten Steden eenigermaten hooch, mit moderne Sorten is dat aver keen Vergliek.
Eenige Lüüd, de gegen Appel allergisch sünd, künnt disse olle Sort eten, vun wegen den sieten Allergenandeel.
Literatur
ännern- Walter Hartmann (Rgv.): Farbatlas Alte Obstsorten. Stuttgart 2000, ISBN 3-8001-4394-1
- Martin Stangl (Rgv.): Obst aus dem eigenen Garten. München 2000, ISBN 3-405-15046-9