Cynthia Cleese (* 17. Februar 1971) is en engelsch-US-amerikaansche Schauspelersche.

Leven un Wark ännern

Cynthia Cleese is de Dochter vun den engelschen Schauspeler John Cleese un vun de US-amerikaanschen Schauspelersche Connie Booth. Se hett bit hüüt blots in dree Filmen mitarbeit. Ehr eerste Rull speel se in den Film A Fish Called Wanda as de Dochter vun Archie Leach, de in den Film vun ehrn richtigen Vadder speelt worrn is. Se weer in den Film as Cynthia Caylor oplist na den Geboortsnaam vun ehr Grootmudder.

En tweete gröttere Rull harr se in den Film Fierce Creatures, woneem se wedder an de Siet vun ehrn Vadder speelt hett. Hier weer se ok ünner ehrn richtigen Naam angeven. Se harr in den Film – de in’n glieken Stil anleggt weer as de eerste – de Rull vun en Deerplegersche, de sik üm de lütten Söögdeerten sorgt. As sünnern Gag ziteert se in den Film een Satz vun ehrn Vadder, den he as Swarten Ridder in den Film Monty Python and the Holy Grail vertellt: „It's just a flesh wound!“

Se is siet 1995 mit den Dreihbookschriever Ed Solomon verheiraat un hett mit em twee Kinner.

Filmrullen ännern

Johr Titel Synchroonsnacker
1988 A Fish Called Wanda
dt.: Ein Fisch namens Wanda
 
1997 Fierce Creatures
dt.: Wilde Kreaturen
Nana Spier
1998 I’m on Fire, Kortfilm  

Weblenken ännern