Daftmill
Daftmill is en Whisky-Brenneree bi Cupar, Fife, Schottland. Se weer 2005 vun de Bröder Francis & Ian Cuthbert grünnt. Se tellt dormit to de jüngsten schottischen Brennereen.
| Daftmill | |
|---|---|
 De Destille Daftmill (Foto: Lhinrich) | |
| Land | Schottland |
| Region | Lowlands |
| Tyyp | Malt |
| Status | aktiv |
| Besitter | Francis & Ian Cuthbert |
| Grünnt | 2005 |
| Grünner | Francis & Ian Cuthbert |
| Waterborn | Daft Burn |
| Washstill(s) | 1 × 2.500 l |
| Spiritstill(s) | 1 × 1.500 l |
| Produkschoonsvolumen | 20.000 l |
| Websteed | www.daftmill.com |
Historie
ännernDat Land, op den de Destille blangento bedreven warrt, is siet 1984 in’n Besitt vun de Familie Cuthbert. Man, de Familie leeft al siet söss Generatschonen op den Hoff. 2005 is de Destille as een vun de neesten un togliek ok lüttsten schottischen Brennereen grünnt worrn. De Naam Daftmill heet översett so veel as „malle Möhl“. De Beek, de an de Farm vörbilöppt, maakt den Indruck, dat he bargop lopen deiht. Dorüm hett he vun de Inheimschen den Naam Daft Burn („mall Beek“) kregen. AS op dat Landstück denn de Möhl vun de Farm boet worrn is, weer de Naam Daft Mill vun den Beek herleidt.
De Hüüs vun de Destille sünd mehr as 200 Johren oolt. Ünner annern stünn hier fröher en Havermöhl, de aver al lang nich mehr in Bedrief is. De Möhlstenen sünd al in de 1940er Johren wegmaakt worrn, man, ok dorför stünn de Möhl al länger still. De eerste Whisky is an’n 18. Dezember 2005 brennt worrn. En Besökerzentrum gifft dat bi Daftmill nich, man kann aver mit de Bedrievers afmaken, wenn een de Destille besöken will.
Produkschoon
ännern
De Destille Daftmill höört to dat schottische Whiskyrebeet Lowlands, woneem dat vundaag nich mehr vele Brennereen gifft. Dat Water kummt ut den Daft Burn, de dör dat Land vun den Hoff dörlöppt, oder veelmehr ut en privaten Born op’t Land. Afsehn vun dat Meeschfatt un de Brennblasen, de in Rothes maakt worrn sünd, kamt all de anneren Deelen vun Handwarkslüüd ut dat Rebeet sülvst, de in’n Ümkreis vun 10 km üm den Hoff wahnen doot.
Dat Meeschfatt (Mash tun) faat ruchweg 1 Tünn Meesch. Dat Fermenteren duert mit 96-104 Stünnen teemlich lang för en schottische Destille. De Wash back faat ruchweg 5.000 l. Brennt warrt in en wash still vun 2.500 l un en spirit still vun ruchweg 1.500 l. Lagert warrn schall de Whisky denn tomindst 10 Johren[1], so dat vun 2016 an mit reguläre Affüllen anfungen warrn schall.
Kiek ok
ännernWeblenken
ännern
Borns
ännern
Koordinaten:56° 18′ N, 3° 6′ W