Dan Maskell
Daniel „Dan“ Maskell (* 11. April 1908 in Fulham, London; † 10. Dezember 1992 ok dor) weer en britisch Tennisspeler, Davis-Cup-Trainer un Radio- un TV-Kommentator.
Biographie ännern
Dan Maskell wurr in London boren un weer söss Mal britisch Tennismeester. 1933 un 1936 weer he Trainer van dat spoodriek Davis-Cup-Team, dat 1933 gegen Frankriek mit 3:2 wunn.
Nah sien Dienst as Suldat in‘n Tweeten Weltkrieg fung sien Kommentatorenkarriere bi de Wimbledon Championships för de BBC an. Af 1949 hett Maskell bi’n Radio arbeit, bevör he 1951 to’n Feernsehn wesseln dee. Bekannt wurr he as de „voice of tennis“ (Stimm van den Tennis). 1977 hett Dan Maskell de Firma „The Dan Maskell Tennis Trust“ grünnd. He bleev bit to sien Pensioneeren 1991 bi de BBC un is een Johr later storven. 1996 wurr he posthum in de International Tennis Hall of Fame upnommen.